Նավակով զբոսանք, համբույր, գրկախառնություն․ Բելլա Հադիդին նկատել են նոր ընկերոջ հետ Ֆրանսիական Ռիվիերայում ժամանակ անցկացնելիս (լուսանկարներ)
Սուպերմոդել Բելլա Հադիդին նկատել են նոր ընկերոջ հետ Ֆրանսիական Ռիվիերայում նավակով շրջելիս, հայտնում է բրիտանական Daily Mail պարբերականը և հավելում, որ զույգը հանգստանում է ֆրանսիական Անտիբ քաղաքի հյուրանոցում:
Պապարացիների լուսանկարներում զույգը գրկախառնված համբուրվում է և ժամանակ անցկացնում ընկերների հետ:
Բելլա Հադիդը զբոսանքի համար ընտրել է ջինսե տաբատ և գունավոր շապիկ՝ իր տեսքն ամբողջացնելով մեծ ոսկեգույն օղերով։
Հիշեցնենք, որ Բելլա Հադիդը Մարկ Կալմանի հետ հարաբերությունների մասին հայտնել է մի քանի օր առաջ՝ ինստագրամյան իր էջում հրապարակելով համատեղ լուսանկար Կաննի կինոփառատոնից։ Արտ-տնօրեն Կալմանի և Հադիդի հարաբերությունների մասին առաջին անգամ խոսվել է հունիսին, սակայն զույգն այն գաղտնի է պահել։
Ինչպես ավելի վաղ տեղեկացրել էր Tert.am-ը, Բելլա Հադիդին նկատել էին նոր ընկերոջ հետ Փարիզի ավստրալական «Լուլու» ռեստորանում ընթրելիս։ Սա Բելլա Հադիդի և Մարկ Կալմանի առաջին ժամադրությունն էր նրանց հարաբերությունների մասին պաշտոնապես հայտնելուց հետո։