26-ամյա բրիտանուհին 200 մլն-ը մեկի հարաբերակցությամբ պատահող հազվադեպ եռյակ է լույս աշխարհ բերել (լուսանկարներ)
Մեծ Բրիտանիայի 26-ամյա բնակչուհի Քեթի Քրոուն լույս աշխարհ է բերել բնական ճանապարհով բեղմնավորված միանման եռյակ, ինչը 200 մլն-ը մեկի հարաբերակցությամբ հանդիպող հազվադեպ երևույթ է:
Ինչպես նշում է Daily Mail-ը, նորաթուխ մայրիկն ու իր փեսացուն շատ են հուզվել, երբ հղիության 12-րդ շաբաթում արված հետազոտություն ժամանակ պարզել են, որ եռյակ են ունենալու:
Պարբերականը նկատում է, որ եռյակները, որպես կանոն, միանման չեն լինում: Դրանք ստեղծվում են այն ժամանակ, երբ տեղի է ունենում երկու ձվաբջջի բեղմնավորում, ինչից հետո ձվաբջիջներից մեկը կիսվում է: Սակայն Քրոուն այն բացառիկ կանանցից է, որը լույս աշխարհ է բերել միանման, միազիգոտ եռյակ, ինչը նշանակում է, որ բեղմնավորված մեկ ձվաբջիջը երեք մասի է կիսվել:
Նշվում է, որ Թոմի, Ջոշուա և Էդի անունով եղբայրները ծնվել են փետրվարին, սակայն զույգն այս մասին լրատվամիջոցներին միայն այժմ է հայտնել:
Զույգի առաջնեկը ծնվել է 2015թ.: