660 000 դոլար. Ռուսաստանը կորոնավիրուսի դեմ պայքարում ԱՄՆ-ին ուղարկած օգնության համար հաշիվ է ներկայացրել
Ռուսաստանն անցած ամիս ԱՄՆ-ին տրամադրած բժշկական օգնության համար մոտ 660 000 դոլարի հաշիվ է ներկայացրել ամերիկյան կողմին, հայտնում է abcnews.go.com կայքը։
Աղբյուրը մանրամասնում է, որ օգնությունը ներառել է ոչ միայն հիվանդանոցների օգտագործման համար նախատեսված ապրանքներ, այլ նաև քիմիական «պատերազմական ոճի» գազային դիմակներ, տնտեսական ձեռնոցներ և այլն։
Ամերիկացի պաշտոնյաների խոսքով՝ բեռը ներառել է նաև արհեստական շնչառական 45 համակարգ, որոնք, սակայն, հզորության հետ կապված խնդիրների պատճառով միանգամից օգտագործման ենթակա չեն եղել։
Կայքի փոխանցմամբ՝ միանգամից հայտնի չի եղել՝ որքանով են ապրիլի մեկին Նյու Յորքի Ջոն Քենեդիի անվան օդանավակայան հասած բեռներն օգտակար եղել, քանի որ դաշնային կառավարութությունից հայտնել են, որ Նյու Ջերսիի պետական պաշտոնյաները որևէ հստակ պատասխան չեն տվել այն հարցի առնչությամբ, թե ապրանքները առողջապահության աշխատակիցներին են մատակարարվել, թե պահեստներում են տեղավորվել։