Արքայական մականուններ. Daily Mail-ը նոր բացահայտում է արել Վինձորների ընտանիքի անդամների մականունների մասին
Յուրաքանչյուր ընտանիքում էլ կան հատուկ անուններ, որոնցով հարազատները դիմում են միմյանց: Բացառություն չէ նաև Վինձորների ընտանիքը:
Ինչպես գրում է Daily Mail-ը, թագավորական ընտանիքին մոտ գտնվող աղբյուրների տվյալներով՝ արքայազն Ուիլյամի և Քեյթի մականունները կապված են իրենց հարաբերությունների հետ: Երբ նրանք նոր-նոր էին սկսել հանդիպել, Ուիլյամն իր ապագա կնոջից ստացել էր «Մեծ Ուիլլի» անվանումը:
Իսկ այժմ Քեյթն ամուսնուն անվանում է Prince Baldy («արքայազն Ճաղատ»)՝ նկատի ունենալով նրա ճաղատացող գլխամաշկը:
Քեյթի մականունն ավելի երկար է՝ Duchess of Do-little, որը բառացի թարգմանաբար նշանակում է «քիչ գործ անելու դքսուհի»: Այս մականունն ունի նաև իր կարճ տարբերակը՝ DoD:
Արքայազն Ջորջը ևս մականուն ունի. նրան հաճախ անվանում են PG Tips կամ Tips՝ ըստ այդ ապրանքանիշի թեյի անվանման:
Էլիզաբեթ Երկրորդ թագուհու մականունը «Գարի» է: Արքայազն Ուիլյամն է նրան այդպես անվանել մանուկ հասակում՝ փորձելով արտասանել «Գրենի» («տատիկ») բառը:
Արքայազն Ջորջն իր հերթին էլ մականուն է հորինել մեծ տատի համար, որին ասել է «գան-գան»՝ «գրանդմա» ասելու փախարեն:
Աղբյուրի փոխանցմամբ՝ արքայազն Չարլզի մականունն է «Ֆրեդ», արքայազն Հարիինը՝ «Փոթեր», Մեգան Մարքլինը՝ «Թանգսթեն»:
Հիշեցնենք, որ պարբերականը նախկինում ևս բացահայտումներ էր արել ընտանիքի որոշ անդամների մականունների վերաբերյալ: