Արքայազն Ուիլյամը նոր սանրվածքով է ներկայացել
Մեծ Բրիտանիայի արքայազն Ուիլյամը փոխել է սանրվածքը՝ գլուխը սափրեու գործը վստահելով կնոջ՝ Քեմբրիջի դքսուհու վարսահարդարին:
Ինչպես տեղեկացնում է Daily Mail-ը, վարսերի արմատական կարճեցման համար արքայազնը 180 ֆունտ ստերլինգ է վճարել: Սակայն թագավորական ընտանիքի հետ աշխատող վարսահարդարները հերքում են այդքան բարձր արժեքի փաստը:
Ինչպես աղբյուրը նշում է, արքայազնի կրտսեր եղբայրը՝ Հարին, մշտապես կատակներ էր անում նրա ճաղատության վերաբերյալ, իսկ սափրվելու միտքը Ուիլյամին տվել է վարսավիրը:
Նոր կերպարով առաջին անգամ արքայազնը ներկայացել էր լոնդոնյան մանկական հիվանդանոցում:
Արքայազն Ուիլյամը 35 տարեկան է: Անցյալ տարվա սեպտեմբերին հայտնի է դարձել, որ Քեյթը և նա սպասում են իրենց երրորդ երեխայի ծնունդին: Զույգն արդեն երկու երեխա ունի՝ արքայազն Ջորջը և արքայադուստր Շառլոթը: