Рәсим Баксиков: Татарстан Рәисенең бурычлары кабул ителде һәм аңлашыла, эш башланды
Татарстан Рәисе Рөстәм Миңнеханов махсус хәрби операциядә катнашучыларга ярдәм итүнең мөһимлеген билгеләде. «Татар-информ» хәбәрчесенә Татарстан Рәисенең ТР Дәүләт Советына бүгенге Юлламасын Россия Герое, махсус хәрби операциядә катнашучы, ТР Дәүләт Советы депутаты Рәсим Баксиков шулай дип шәрехләде.
«Беренче чиратта Татарстан Рәисе 2025 елны Ватанны саклаучылар елы дип игълан итте, бу күңелле. Минем көрәштәшләремнең бәяләнүе һәм аларга игътибар бирелүе бик яхшы. Моннан тыш, ТР Рәисе минем Законлылык һәм хокук тәртибе комитетына конкрет бурычлар куйды. Бурычлар кабул ителде һәм аныкланды, алар буенча эш башланды инде», - диде ул.
Бүген Татарстан Рәисе Рөстәм Миңнеханов Салих Сәйдәшев исемендәге Дәүләт Зур концертлар залында парламентка традицион Юллама белән чыгыш ясады. Утырышка депутатлардан тыш дәүләт һәм муниципаль хакимият органнары вәкилләре, предприятие, учреждение җитәкчеләре һәм башка бик күпләр – барлыгы 670 кеше чакырылган иде.