Ботулизм йоктырган ике пациент Республика клиник йогышлы авырулар хастаханәсеннән чыкты
Казанда «Лобио» салатын ашап агуланучыларны дәвалау дәвам итә. Республика клиник йогышлы авырулар хастаханәсеннән ботулизм диагнозы куелган тагын ике пациентны чыгардылар. Бу хакта Республика клиник йогышлы авырулар хастаханәсе матбугат хезмәтендә хәбәр иттеләр.
Хәзерге вакытта хастаханәдә агуланудан зыян күргән 10 кеше кала. Аларның бишесе гадәти палаталарда, ә калган бишесе реанимациядә ята. Ике пациентның хәле яхшырган, аларны реанимация бүлегеннән палатага күчергәннәр. Әмма бер пациент һаман да үпкәләрне ясалма җилләтү (ИВЛ) аппаратына тоташтырылган.
Искәртик, башта ук 19 кешенең салат ашап агулануы турында хәбәр ителде. Татарстанның гигиена һәм эпидемиология үзәге якынча тикшеренүләр үткәрде инде, аларның нәтиҗәләре начар булып чыкты. Вазгыять зыян күрүчеләргә кирәкле ярдәм күрсәтүне дәвам итүче медицина хезмәтләре контролендә кала.