Төркиядә җир тетрәү булган
Төркиянең көнчыгышындагы Малатья провинциясендә 4,0 магнитудалы җир тетрәү булды, дип хәбәр итә Табигать афәтләре нәтиҗәләрен бетерү идарәсе (AFAD). Бу хакта «РИА Новости» яза.
Җир асты селкенүләре җирле вакыт буенча 21:29 сәгатьтә (Мәскәү вакыты белән туры килә) Доганшәһәр районында теркәлгән. Бу Х социаль челтәрендә урнаштырылган ведомство хәбәреннән аңлашыла.
Хакимият әлегә җир тетрәү нәтиҗәсендә корбаннар һәм җимерелүләр булуы турында хәбәр итми.