Татарстан Рәисе «Ак чәчәкләр» конкурсында җиңүчеләргә автомобиль тапшырды
Татарстан Рәисе Рөстәм Миңнеханов ел саен үткәрелә торган «Ел табибы - Ак чәчәкләр» конкурсында өч автомобиль тапшырды, дип яза «Татар-информ» хәбәрчесе Эвелина Киселева.
Быел беренче тапкыр «Беренчел звеноның иң яхшы командасы» номинациясе кертелде. Җиңүчеләрне шәһәр поликлиникалары, үзәк район хастаханәләре һәм балалар учреждениеләре арасында сайладылар.
Шәһәр поликлиникалары арасында конкурс нәтиҗәләре буенча Казанның 10нчы поликлиникасы, үзәк район хастаханәләре арасында Әтнә үзәк район хастаханәсе, ә балалар учреждениеләр арасында Чистай үзәк район хастаханәсенең балалар шәһәр поликлиникасы җиңү яулады.
Бу учреждениеләр яңа җиңел автомобильләр алачак, алар пациентларга тагын да нәтиҗәлерәк ярдәм итү мөмкинлеге бирә.