Пензада «Гадел Кутуй безнең йөрәкләрдә» мәдәни-агарту марафонына нәтиҗә ясадылар
27 декабрьдә «Гадел Кутуй безнең йөрәкләрдә» мәдәни-агарту марафоны оештыру комитетының йомгаклау утырышы булды. Бу хакта Бөтендөнья татар конгрессының матбугат хезмәте хәбәр итә.
Чара башында Пенза татарлары автономиясе рәисе Җиһанша Туктаров сәламләү сүзләре белән чыгыш ясады. Ул әлеге проектның катнашучыларга Россиянең героик үткәненә сәяхәт кылырга, мәшһүр татар эшлеклеләренең тормышы һәм иҗаты белән танышырга мөмкинлек бирүен билгеләп үтте.
Балалар һәм үсмерләр арасында шигърияткә карата кызыксыну уяту проектның мөһим нәтиҗәсе булды. Чараны оештыру мәктәп укучылары һәм яшьләрдә туган тел, әдәбият, үз халкыңның тарихын өйрәнүгә карата мотивацияне көчәйтте. Шулай ук бала шәхесен иҗади үстерү, татар халкының милли мәдәниятенә карата хөрмәт хисе тәрбияләү өчен мәйданчык та булдырылды.
«Гадел Кутуй безнең йөрәкләрдә» марафоны җәмгыятьнең мәдәни үсешенә зур өлеш кертә алуына ышанабыз. Марафонда катнашучылар ярдәмендә без куйган максатларга ирешә, татар халкының мәдәни мирасын бөтен кеше өчен дә якынрак һәм аңлаешлырак итә алдык», - диелә хәбәрдә.
Проектта катнашучылар «Гадел Кутуй безнең йөрәкләрдә» мәдәни-агарту марафоны кысаларында үткәрелгән чаралардан алган хис-кичерешләре белән уртаклашты.
Чара Социаль юнәлешле коммерцияле булмаган оешмаларга булышлык күрсәтү буенча республика ресурс үзәгенең грант ярдәмендә үткәрелде.