Хөснуллин Татарстанда торакны файдалануга тапшыру темплары бик яхшы булуын әйтте
Татарстан һәм Төмән өлкәсе 2023 ел нәтиҗәләре буенча торак төзелешендә «бик яхшы эш» күрсәтте. Республикада 3,4 млн кв.метр торак файдалануга тапшырылган, күп фатирлы торак тапшыру буенча җан башына иң югары күрсәткеч Төмән өлкәсендә булып чыкты. Бу хакта Россия вице-премьеры Марат Хөснуллин белдерде. ТАСС шул хакта яза.
Төбәк үсеше буенча Хөкүмәт комиссиясе утырышында ул барлык субъектларның диярлек 2023 елга төзелеш планнарын үтәвен яки аларны арттырып үтәвен әйтте.
«Безнең 2030 елга планлы максат - илдә бер кешегә 0,82 кв.м төзү. Әмма агымдагы ел нәтиҗәләре буенча Новосибирск өлкәсе, Карачай-Черкесия, Калуга өлкәсе, Чечня, Адыгея, Ленинград өлкәсе күрсәткечләрне арттырачак», - диде Россия вице-премьеры.
23 декабрьдә Татарстан Хөкүмәт Йортында узган киңәшмәдә Татарстанның торак төзү планын 8,6 процентка арттырып үтәве билгеле булды. Чараны видеоконференцэлемтә режимында барлык муниципалитетлар белән республика Рәисе Рөстәм Миңнеханов үткәрде.