Татарстан хакимияте ислам финанслары турында мәгълүмат порталы булдыруны планлаштыра
Ислам финанславы инструментларыннан файдаланучы затлар даирәсен киңәйтү өчен Татарстан хакимияте мәгълүмат портал төзергә ниятли. Бу хакта Татарстан икътисад министры Мидхәт Шаһиәхмәтов белдерде. «Интерфакс» шул хакта яза.
«Мәгълүмат порталы, семинарлар һәм «түгәрәк өстәлләр» оештыру, бизнес-бергәлек, мәхәллә кешеләре, дәүләт хезмәткәрләре белән башка чаралар үткәрү планлаштырыла», - дип сөйләде спикер.
Икътисад министрлыгы уздырган сораштыру нигезендә, нәкъ менә тиешле мәгълүмат булмау партнерлык финанславын куллануга киртә булып тора, дип өстәде ул. Шуңа бәйле рәвештә, Татарстан хакимияте берничә чара планлаштырды, аларның максаты - партнерлык финанслары өлкәсендә халыкның финанс белемен күтәрү.
Шулай ук хакимият эш планын төзеде, республика телевидениесе һәм радиосында махсус программалар, федераль һәм төбәк массакүләм мәгълүмат чараларында закон авторлары, дин вәкилләре белгечләр һәм базарда катнашучылар белән интервью, репортаж, экспериментны гамәлгә ашыру барышы турындагы мәкалә һәм матбугат конференциясен планлаштырды.
Гамәлгә ашырыла торган чараларның нәтиҗәлелеген халык арасында социологик тикшеренүләрне ярты елга бер тапкыр уздыру аша тикшерергә телиләр.