Махсус операциядән ялга кайткан хәрби Буада сөйгәне белән туй үткәрде
Буада ике гашыйкның — Семен белән Людмиланың никахын теркәгәннәр. Семенның махсус хәрби операция зонасында хезмәт итүе фонында да яшьләр бер-берсенә вакыт тапкан.
Семен 2022 елның октябрь ахырында хәрби хезмәткә мобилизацияләнә. Хәзер, ул кыска вакытлы ялга кайткач, Семен һәм Людмила тәвәккәл адым ясарга һәм үз мөнәсәбәтләрен законлаштырырга карар итә. Хәрби кыска вакытлы ялда 12 декабрьгә кадәр булачак. Бу хакта «Татар-информ»га Буа районы матбугат хезмәте хәбәр итә.
Фото: © ТР Буа районы матбугат хезмәте
Тантанада район башлыгы Ранис Камартдинов исеменнән парга бүләк тапшырдылар, хакимият вәкиле дә җылы сүзләр әйтте.
«Кадерле Семен һәм Людмила, никахыгыз мәхәббәт, бәхет һәм үзара аңлашу белән тулы булсын, уртак тормышның һәр көне шатлык китерсен!» — дип котлый яңа өйләнешүчеләрне район хакимияте вәкиле.
Махсус хәрби операция Россия Президенты Владимир Путин карары белән узган елның 24 февраленнән үткәрелә. Россия хакимияте күп тапкырлар белдерүенчә, махсус операция куелган максатларга ирешкәнче дәвам итәчәк, алар арасында Россиянең иминлеген гарантияләүче шартлар булдыру турында да әйтелә.
- Россия Кораллы Көчләре сафларында контракт буенча хезмәт итү, шулай ук премияләр, ташламалар һәм түләүләр турында heroes-tatarstan.ru сайтында яки 117 телефоны аша күбрәк белергә мөмкин.