Владимир Леонов: Казан - спорт башкаласы, Татарстан - спорт төбәге
ТР спорт министры Владимир Леонов Татарстанның спорттагы уңышлары турында Мәскәүдә узучы «Россия» күргәзмә-форумы кысаларында сөйләде.
«Казан – спорт башкаласы, Татарстан – спорт төбәге. Татарстан – спортның барлык юнәлешләрендә флагманнарның берсе», – диде Владимир Леонов.
Министр мәскәүлеләрне киләсе елда Казанда узачак спорт уеннарына чакырды.
«Киләсе елга барыгызны да Казанда көтәбез, безнең ике зур вакыйгабыз бар. Февраль аенда тарихта беренче тапкыр «Киләчәк уеннары» уздырачакбыз. Без бер урында һәм бер үк вакытта классик спортны һәм киберспортны тоташтырабыз. Июнь аенда барыгызны да яңа «БРИКС илләре уены» проектына көтәбез. Анда 27 спорт төре тәкъдим ителәчәк. Барыгызны да көтәбез», – диде Владимир Леонов.