Мөслим спортчылары Башкортстанда йөзү буенча ярышларда җиңде
Мөслимнең спорт мәктәбендә шөгыльләнүче кызлар һәм малайлар Башкортстанның Илеш районында йөзү ярышларында катнашты. Бу хакта «Мөслим-информ» хәбәр итә.
2009- 2016 елгы кызлар, 2011-2016 елгы малайлар төрле яшь төркемнәрендә ярышты. Яшь спортчылар ирекле стильдә һәм аркада йөзеп командага 4 алтын, 5 көмеш, 4 бронза медаль китерде.
Ике катнашучы Илсаф Әхмәтшин һәм Айзат Галимҗанов 3 спорт разрядын башкарды. Укучыларның тренерлары - Алмас Латыйпов, Алмаз Дәүләтшин, Фәрхәт Хәбибуллин.