Латвия Россия илчесенең 24 февральгә кадәр илдән китүен таләп итте
Россиянең Латвиядәге илчесе Михаил Ванин 24 февральгә кадәр илдән китәргә тиеш. Бу хакта Латвия Тышкы эшләр министрлыгы хәбәренә сылтама белән РИА новости яза.
Латвия 24 февральдән Россия белән дипломатик мөнәсәбәтләр дәрәҗәсен киметә, дип белдерде дүшәмбе көнне Тышкы эшләр министры Эдгарс Ринкевичс.
«2023 елның 23 гыйнварында Россия Федерациясенең Латвия Республикасындагы илчесе Михаил Ванин Тышкы эшләр министрлыгына чакырылды. Россия илчесенә Латвиянең Россия белән дипломатик мөнәсәбәтләрне 2023 елның 24 февраленнән эшләр буенча вәкил дәрәҗәсенә (поверенного в делах) төшерелүе турында мәгълүмат җиткерелгән иде», – диелә хәбәрдә.