Мамадыш районында диспансерлаштыру вакытында бер ел эчендә 18 кешедә яман шеш табылган
Татарстанның Мамадыш районында 2022 елда диспансерлаштыру вакытында 18 кешедә онкология авыруы ачыкланган.
Районда диспансерлаштыруны барлыгы 9700 кеше үткән, ә профилактик тикшерүгә 1200 кеше килгән. Татарстан Республикасы Сәламәтлек саклау министрлыгы район хастаханәсе мәгълүматларына сылтама белән шул турыда хәбәр итә.
Диспансеризацияне ел саен үтәргә кирәк. Кеше үзен сәламәт дип санаса да, диспансеризация вакытында аларда хроник йогышлы булмаган авырулар очрый, аларны дәвалау иртә стадиядә иң нәтиҗәле санала, диелә хәбәрдә.