Рөстәм Нәбиев Көньяк Американың иң биек тавына менә башлады
Башкортстан блогеры Рөстәм Нәбиев Көньяк Америкадагы Аконкагуа тавына (6 962 метр) менә башлады.
Ул социаль челтәрдәге аккаунтында команданың акклиматизация чоры башлануы турында хәбәр итте. Алар 2350 метрда төн кунган һәм 3150 метрдагы лагерьга хәрәкәт итә башлаган. Бу хакта «Башинформ» хәбәр итә.
Блогер узган елның декабрендә Килиманджаро тавына менде (5 895 метр). 2020 елда Рөстәм Нәбиев кулларында Эльбрус тавын яулады. Ә 2021 елда кулларында Манаслу тавына менгән беренче кеше булды.