Казанда «Созвездие-Йолдызлык» бинасында янгынны сүндереп бетерделәр
Кичке алтылар тирәсендә янгын сүндерүчеләр Казанның Гладилов урамындагы «Созвездие-Йолдызлык» арт-резиденциясендә чыккан зур янгынны сүндерде.
Ут 500 квадрат метр мәйданга таралган. Бу хакта «Татар-информ»га Россия Гадәттән тыш хәлләр министрлыгының Татарстан буенча Баш идарәсенең матбугат хезмәтендә хәбәр иттеләр.
Агентлык Казанда «Созвездие-Йолдызлык» арт-резиденциясе яна башлавын хәбәр иткән иде.
Татарстанның Яшьләр эшләре министрлыгыннан хәбәр итүләренчә, янгын чормада башланган, шуннан соң түбәгә ут капкан.
Прокуратура тикшерү башлады.