Новости за 08.12.2023

Ульяновск өлкәсе мөселманнарының төбәк Диния нәзарәте рәисе, мөфти Илдар Сафиуллин Россия Федерациясе Саклану министрлыгының «Ватанга тугрылык һәм хезмәт итү өчен» медале белән бүләкләнде. Бу хакта Бөтендөнья татар конгрессының матбугат хезмәте хәбәр итә.

Татарстан Рәисе Рөстәм Миңнеханов Телеграм-каналында республикада яшәүчеләргә һава шартларына туры китереп кием сайларга киңәш итте.

Татарстан Республикасы мөселманнары Диния нәзарәте «30/40» проектына катнашучылар җыя. Әлеге чара 2024 елда 3-7 гыйнвар көннәрендә Болгарда узачак.

Бүген Казанда Татарстан Тарифлар буенча дәүләт комитеты идарәсе утырышында 2024 елга җәмәгать транспортында йөрү тарифларын расладылар. Утырышны ведомство рәисе Александр Груничев үткәрде.

Россия Динара советы утырышында РФ мөселманнары Диния нәзарәте рәисе, шәех мөфти Равил Гайнетдин Рус православие чиркәве җитәкчесе Мәскәү һәм бөтен Русь патриархы Кириллга Россия мөселманнарының иң югары бүләген - I дәрәҗә «Әл-Фәхр» Мактау орденын тапшырды. Бу хакта РФ мөселманнары Диния нәзарәте матбугат хезмәте хәбәр итә.

Әгәр декрет ялында булган ата яки ана балага яшь ярым булганчы тулы ставкага эшкә чыкса, аларга баланы карау буенча түләүләр билгеләнәчәк. Дәүләт Думасы шул темага законнар пакетын кабул итте. Бу хакта «Российская газета» яза.

Брянск гимназиясендә ату вакытында зыян күргән ике баланы Мәскәүгә алып киләләр. Бу хакта ТАСС Россия Сәламәтлек саклау министрлыгына сылтама белән хәбәр итә.

8 һәм 9 декабрьдә М.Җәлил исемендәге Татар дәүләт академия опера һәм балет театрында VIII «Үзгәреш җиле» Татар җыры фестиваленең гала-концертлары була. Бу хакта ТР Мәдәният министрлыгы матбугат хезмзте хәбәр итә.

Татарстан башкаласында декабрьнең иң күп түләнә торган биш вакансиясе билгеләнде. Хезмәт хакы 100-250 мең сум тәшкил итә.

Бүген Татарстанда явым-төшемсез, болытлы һава көтелә, көндез урыны белән 25-26 градуска кадәр салкын булачак.. Бу хакта Гидрометүзәкнең матбугат хезмәте хәбәр итә.

Чаллыга Татарстан икътисад министры Мидхәт Шаһиәхмәтов һәм Татарстан Рәисе ярдәмчесе Фәрид Әбелганиев килде. Янгында зыян күргән эшмәкәрләрне - инициатив төркемне шәһәр хакимияте бинасында җыйдылар. Бу хакта «Шәһри Чаллы» хәбәр итә.

Түбән Камада кыска вакытлы ялга кайткан мобилизацияләнгәннәр белән очрашу узды. Очрашуда Түбән Кама мэры урынбасары Марина Камелина, мобилизация әзерлеге бүлеге җитәкчесе Раил Габидуллин һәм махсус хәрби операциягә машиналар әзерләүче хәйрияче Сурэн Авдоян катнашты. Бу хакта «Туган як» сайтында хәбәр ителә.

Әлмәт укытучылары өчен укыту-лаборатория һәм офис корпусы төзелде. Җиде катлы бинаның гомуми мәйданы 33879 кв.метр тәшкил итә. Бу хакта «Әлмәт таңнары» хәбәр итә.

Менделеевскиның «Нептун» сәламәтләндерү комплексында махсус хәрби операцияне хуплап йөзү буенча ярышлар узды. Чараны традиция буенча Россия Федерациясе һәм Татарстан Республикасы гимннары ачты. Бу хакта «Менделеевск яңалыклары» хәбәр итә

Лениногорск шәһәренең Г. Тукай исемендәге Үзәк китапханәсендә, Түбән Кама шәһәрендә яшәп иҗат итүче шагыйрь, бик күп җырлар авторы, Татарстан Республикасының атказанган табибы, Татарстан Язучылар берлеге әгъзасы Марс Хафизов белән очрашу узды. Бу хакта «Заман сулышы» хәбәр итә.