Новости за 11.03.2017

ქართული ოცნების წარმომადგენელი, ლადო მგალობლიშვილი, ბათუმში მიმდინარე აქციაზე საუბრობს. მისი თქმით, სპეცრაზმის მიერ გამოყენებული გაზის რაოდენობა აქციის მონაწილეების ჯანმრთელობას პრობლემას არ შეუქმნიდა.  

რუსთავი2-ის კორესპონდენტი ბათუმში ცრემლსადენი გაზის გაშვების შედეგად დაზარალდა. სოფო ჭულუხაძის თქმით, რამდენიმე წუთის წინ ბათუმში ცრემლსადენის გაზის და რეზინის ტყვიების გამოყენება კიდევ მოხდა.

შსს მინისტრი ბათუმში გაემგზავრა. ამის შესახებ ინფორმაციას ფეისბუკის მეშვეობით შსს-ს პრესამსახურის ხელმძღვანელი ავრცელებს.  

აჭარის ავტონომიური რესპუბლიკის მთავრობის თავმჯდომარე, ზურაბ პატარაძე, ბათუმში არ იმყოფება.

ბათუმის სამედიცინო სადგურის მედიკოსების ცნობით, აქციაზე დაშვებულთა რაოდენობა 6-ია, რომლებიც სამედიცინო დაწესებულებაში არიან გადაყვანილები.

რაულ თავართქილაძე აცხადებს, რომ რეზინის ტყვიებს ისვრიან. მისი თქმით, სპეცრაზმი ცრემლსადენ გაზზს უშვებს.

ლეიბორისტული პარტიის წევრი, ჯელალი ქიქავა, მინიტრის მოადგილეს შევხდა. ის საპატრულო პოლიციას დისკრიმინაციული მიმართვების გამო აკრიტიკებს.

სპეცრაზმის მიერ ბათუმში აქციის დაშლის მცდელობის კადრები კურიერს აქციის მონაწილემ მიაწოდა. კადრები, სავარაუდოდ, ტელეფონითაა გადაღებული.

სახალხო დამცველი ბათუმში მიმდინარე აქციას ეხმაურება და მხარეებს სიმშვიდის შენარჩუნებისკენ მოუწოდებს. 

აჭარის ავტონომიური რესპუბლიკის უმაღლესი საბჭოს ფრაქცია ქართული ოცნება - აჭარის თავმჯდომარე, დავით ბაციკაძე, ბათუმში პოლიციის სამმართველოს შენობასთან იმყოფება.

ბათუმში მიმდინარე აქციაზე ძალის გამოყენებით აქციის მონაწილეები სპეცრაზმმა დაშალა. თუმცა აქციის მონაწილეები ამბობენ, რომ დაშლას არ აპირებენ და რაღაც დროის განმავლობაში ქუჩის მეორე მხარეს გადაინაცვლეს.

ახალგაზრდული ინიციატივა მომავალი საქართველოსთვის წევრის, ლაშა ადამიას თქმით, ბათუმში აქციის დაშლას ამ წუთებში სპეცრაზმი ცდილობს.

ნაციონალური მოძრაობის წევრი, მირდატ ქამადაძე, გამორიცხავს, რომ ბათუმში მიმდინარე აქცია სუს-ის მართული იყოს, ის ასევე აღნიშნავს, რომ აქცია არც ნაციონალური მოძრაობის მიერ არ არის ორგანიზებული. მან შაბათის კურიერთან სატელეფონო საუბარში აქციის მიმდინარეობის შესახებ ისაუბრა.

აჭარის უმაღლესი საბჭოს წევრი, ირაკლი ჭეიშვილი, ხელუსუფლების მიერ დაკავებული მოქალაქეების გათავისუფლებისთვის მზადყოფნას ასახელებს. მოსახლეობა დაკავებული 6 ადამიანის გათავისუფლება ითხოვს.

ბათუმის საკრებულოს ფრაქცია ნაციონალური მოძრაობის თავმჯდომარე, გიორგი კირთაძე, შაბათის კურიერთან სატელეფონო საუბარში აცხადებს, რომ „სიტუაცია დაძაბულია, პოლიციას სრული მობილიზება აქვს გაკეთებული, ჯარი ჰყავს გამოყვანილი, სპეცნაზია მოყვანილი".

პარტია ემსახურე საქართველოს დამფუძნებელი, მედეა ვასაძე, აცხადებს, რომ პოლიციაში მოსახლება შეღწევას ცდილობს.

ბათუმის ქუჩებში სიტუაცია ისევ დაძაბულია. აქციაზე სხვადასხვა პოლიტიკური პარტიის წარმომადგენელები იმყოფებიან. ქართული ოცნების წევრების თქმით, პროცესი მართულია და ისინი ნაციონალურ მოძრაობას ადანაშაულებენ.  

სახალხო დამცველის აპარატის წარმომადგენელი, ციალა ქათამიძე, აცხადებს, რომ ბათუმში გამართულ აქციას სახალხო დამცველის აპარატი აკვირდება.

ბათუმის საკრებულოს ფრაქცია ნაციონალური მოძრაობის წევრის, ნოდარ დუმბაძის, თქმით, უმაღლესი საბჭოს ფრაქციის თავმჯდომარე, ელგუჯა ბაგრატიონი და უმაღლესი საბჭოს თავმჯდომარე შესულები იყვნენ მთავარ სამმართველოში და მათ შენობა რამდენიმე წუთის წინ დატოვეს.

საქართველოს რესპუბლიკური პარტიის თავმჯდომარე, ხათუნა სამნიძე, ხელისუფლებას ოპერატიულობის გამოჩენას და ინციდენტის შესწავლას სთხოვს. ის აცხადებს, რომ ეს პროცესი მართულია. მან ასევე ახსენა რამდენიმე დღის წინა მერაბ ღოღობერიძის განცხადება, რომელიც საპატრულო პოლიციის ხელმძღვანელის გადადგომას ითხოვდა. მისი თქმით, ეს პიროვნება სუს-თან არის დაკავშირებული.

აჭარის ავტონომიური რესპუბლიკის უმაღლესი საბჭოს ფრაქცია ქართული ოცნება - აჭარის მდივანმა, ცოტნე ანანიძემ, ბათუმში მიმდინარე აქციაზე შაბათის კურიერთან სატელეფონო ჩართვის დროს ისაუბრა.

სინოდის ბოლო გადაწყვეტილებას სპეციალისტების ნაწილი საპატრიარქოში არსებული პრობლემების დაფარვისა და ინსტიტუციის ჩაკეტვის მცდელობად აფასებს. რელიგიათმცოდნე ზელიმხან უძილაური მიიჩნევს, რომ სინოდის წევრების განაწყენება ჭყონდიდის მიტროპოლიტისა და საპატრიარქოს ტელევიზიის უკვე ყოფილი ხელმძღვანელის ხმაურიან საჯარო განცხადებებს უკავშირდებ.

არმაზ ახვლედიანი მოსახლეობას და პოლიციას ერთმანეთის პატივისცემისკენ მოუწოდებს.

ამ წუთებში ბათუმის ქუჩებში მოსახლეობაა გამოსული. მათ ტბელ აბუსელიძის ქუჩა გადაინაცვლეს. ისინი გზის გადაკეტვას ცდილობენ, თუმცა ამის საშუალებას პოლიციის თანამშრომლები არ აძლევენ.

რუსთავი2-ის გუნდმა რუსთაველის გამზირზე შეკრებილ მხარდამჭერებს საჩუქარი გაუკეთა. სიტყვის თავისუფლების დასაცავად გამართული აქციის მუსიკალური ნაწილი სიმბოლური სიმღერით დაიწყო.