Новости за 27.02.2017

დეკანოზ გიორგი მამალაძის დაკითხვა დღეისათვის დასრულებულია. გამომძიებლებმა ე.წ. მატროსოვის ციხე რამდენიმე წუთის წინ დატოვეს. მათი თქმით პროცესი ზუსტად 8 საათს გაგრძელდა და დეკანოზისთვის კითხვების დასმა ხვალ განახლდება. როგორც გამომძიებლები აცხადებენ მამა გიორგი მამალაძემ ყველა შეკითხვას ამომწურავი პასუხი გასცა, თუმცა ბრალდების მხარე მათ შინაარსს არ აკონკრეტებს.

24 ნომინაცია და წლის გამარჯვებულები. ამერიკის კინოაკადემიამ რჩეულები 89-ედ გამოავლინა. La La Land ოსკარის რიგით 89-ე ცერემონიის ერთ-ერთი ფავორიტი გახდა. სურათმა 6 ოქროს ქანდაკება მიიღო, მათ შორის წლის საუკეთესო რეჟისორის კატეგორიაში. 32 წლის დემიენ შაზელი კინოაკადემიის ისტორიაში ყველაზე ახალგაზრდა რეჟისორია, რომელსაც ეს ტიტული მიანიჭეს.

გორის ცენტრში, მესამე საჯარო სკოლასთან მდებარე 5-სართულიან საცხოვრებელ კორპუსს ქარმა სახურავი გადახადა. კორპუსის გადახურვის სამუშაოები მუნიციპალიტეტის წარმომადგენლებს რამდენიმე თვის წინ ჰქონდათ დასრულებული.

ვასილ მაღლაფერიძე და მისი გუნდი დაგეგმილ რეფორმაზე სასაუბროდ მაუწყებელში სახალხო დამცველს ელოდება. შეხვედრაზე შეთავაზება უჩა ნანუაშვილმა მას შემდეგ მიიღო, რაც ომბუდსმენმა საზოგადოებრივ მაუწყებელში მიმდინარე პროცესების მიმართ საჯარო კრიტიკა გამოთქვა. რეიტინგის მიხედვით გადაწყვეტილებების მიღება, რეფორმის ბუნდოვანება და თანამშრომელთა შრომითი უფლებები, - ამ საკითხებზე მითითება ახალმა მენეჯმენტმა სახალხო დამცველის მხრიდან სარედაქციო საქმიანობაში ჩარევად აღიქვა.

მილიონიანი კომპენსაცია - ოპოზიციის მცდელობის მიუხედავად, საკრებულოში რიგგარეშე სხდომა არ შედგება. თბილისის მერი სკანდალურ გადაწყვეტილებასთან დაკავშირებით, ახსნა-განმარტებების საჭიროებას ვერ ხედავს და პოლიტიკური ოპონენტების მოთხოვნას არ იღებს. ხვალ იწურება ოპოზიციის მიერ ხელმოწერების საშუალებით, მერისთვის მიცემული ერთკვირიანი ვადა.

ოკუპირებული ტერიტორიის გავლით სომხეთთან დამაკავშირებელი რკინიგზის აღდგენაზე მოლაპარაკებას არცერთი ოფიციალური წყარო არ ადასტურებს. საქართველოს ხელისუფლების წარმომადგენლები, ერევნის ოფიციალური პირების მსგავსად, განმარტებებს არ აკეთებენ, თუმცა ამ საკითხზე აქტიურად საუბრობს, როგორც სომხური ასევე რუსული მედია.

ფარული მოსმენების შესახებ კანონპროექტს პარლამენტი მესამე მოსმენით პირველ მარტს განიხილავს, რის შემდეგაც ის კანონპროექტს საბოლოოდ უყრის კენჭს. უმრავლესობის გადაწყვეტილებით ე.წ. მოსმენების გასაღები ახალ სააგენტოს გადაეცემა, რომელიც სუს-ის დაქვემდებარებაში იქნება. 

ევროკავშირის საბჭოს მიერ მიღებული გადაწყვეტილებით საქართველოს მოქალაქეები ევროკავშირსა და შენგენის ქვეყნებში უვიზო მიმოსვლას რამდენიმე კვირაში შეძლებენ.

Rustavi 2"s case was the main topic of discussion i Brussels, members of the National Movement held meetings, including with the President of the European People"s Party. According to the MPs, the trial scheduled for March 2, overshadowed other issues and discussions focused on the freedom of the media and the political situation in Georgia.

რუსთავი 2-ის საქმე იყო განხილვის მთავარი თემა ბრიუსელში, სადაც ნაციონალური მოძრაობის წევრები სამუშაო შეხვედრებს მართავენ, მათ შორის ევროპის სახალხო პარტიის პრეზიდენტთან. დეპუტატების განცხადებით, 2 მარტს ჩანიშნულმა სასამართლო პროცესმა გადაფარა სხვა საკითხები და საუბრის ძირითად თემა მედიის თავისუფლება და საქართველოში არსებული პოლიტიკური ვითარება იყო.

ე.წ. მატროსოვის ციხეში გამომძიებლები ამ დრომდე იმყოფებიან, ისინი დეკანოზ გიორგი მამალაძის პირველ ჩვენებას ისმენენ. 8 საათიანი დაკითხვის პროცესში, ბრალდებულმა მხოლოდ ერთი საათი შეისვენა. დასახელებულია კონკრეტული გვარები, რომლებიც ე.წ. ციანიდის საქმესთან არიან კავშირში, თუმცა მეტი დეტალები ჯერ უცნობია.

US Ambassador to Georgia, Ian Kelly thinks that Rustavi2 is the leading opposition channel. According to him, the independent media, which criticizes the government, is very important for democracy.

ამერიკის შეერთებული შტატების ელჩი საქართველოში, იან კელი ფიქრობს, რომ რუსთავი 2 წამყვანი ოპოზიციური არხია. მისი განცხადებით, დამოუკიდებელი მედია, რომელიც ხელისუფლებას აკრიტიკებს, დემოკრატიისთვის ძალიან მნიშვნელოვანია.

საპარლამენტო ოპოზიცია უზენაესი სასამართლოს მიერ, რუსთავი 2-ის საქმის განმხილველი დიდი პალატის მოსამართლეებისა და პირველი სხდომის დანიშვნის შესახებ საუბრობს და აცხადებს, რომ ტელეკომპანიის წინააღმდეგ ბრძოლა გრძელდება.

2 მარტი შესაძლოა რუსთავი 2-ის საქმეში გადამწყვეტი დღე აღმოჩნდეს. უზენაესმა სასამართლომ დიდი პალატის სხდომა დანიშნა და შემადგენლობაც უკვე ცნობილია. 9 მოსამართლე ბოლო ორი წლის განმავლობაში ყველაზე რეზონანსულ საქმეზე საბოლოო გადაწყვეტილებას გამოაცხადებს.

A few minutes ago, EPP president, Joseph Daul posted a statement on his Twitter page. EPP President published a photo with Rustavi 2 correspondent, Tamar Nutsubidze and said that he supported media pluralism in Georgia.

რამდენიმე წუთის წინ, Twitter-ის საკუთარ გვერდზე, ევროპის სახალხო პარტიის პრეზიდენტმა, ჯოზეფ დოლმა, რუსთავი 2-ის კორესპონდენტთან, თამარ ნუცუბიძესთან ერთად გადაღებული ფოტო გამოაქვეყნა და აღნიშნა, რომ ის მედიაპლურალიზმს საქართველოში მხარს უჭერს.

ფონდ ევროპული ინიციატივა - ლიბერალური აკადემია თბილისის ხელმძღვანელი ლაშა ტუღუში კურიერის პირდაპირ ეთერში ფარული მოსმენების კანონის შესახებ საუბრობს. მისი აზრით, „კანონი ძალიან სახიფათოა მოქალაქეებისათვის, იმიტომ რომ შეიცავს ძალიან დიდ რისკებს, რომ რეალურად უკონტროლოდ შევიდეთ ადამიანის პირად ცხოვრებაში.

პარლამენტის იურიდიულ საკითხთა კომიტეტის თავმჯდომარის მოადგილე, დავით მათიკაშვილი აცხადებს, რომ ე.წ. მოსმენების კანონპროექტის განმხილველი ჯგუფის მუშაობაში მონაწილეობის მიღებას უმრავლესობა ოპოზიციას მოუწოდებდა და კარი ღია იყო, თუმცა ოპონენტები იქ წარმოდგენილები არ იყვნენ. მისი თქმით, უმცირესობა ამ საკითხზე პოლიტიკური ქულების დაწერას ცდილობს.

„სწორედ საკონსტიტუციო გადაწყვეტილების საწინააღმდეგოდ სააგენტო იქნება მთლიანად დაქვემდებარებული სუს-ზე“ - ასე აფასებს პარლამენტის ფრაქცია მოძრაობა თავისუფლებისთვის - რეგიონების თავმჯდომარე გიორგი ღვინიაშვილი ე.წ. მოსმენების გასაღების მფლობელ სააგენტოს. ფარული მოსმენების შესახებ კანონპროექტს პარლამენტი მესამე მოსმენით პირველ მარტს განიხილავს, რის შემდეგაც ის კანონპროექტს საბოლოოდ უყრის კენჭს.

საქართველოს საპატრიარქოს პრესსამსახურის ხელმძღვანელმა, დეკანოზმა დავით შარაშენიძემ განაცხადა, რომ მან არ იცის ვინ მიაწოდა გერმანიაში ყოფნის დროს საქართველოს კათოლიკოს-პატრიარქს ინფორმაცია ე.წ. ციანიდის საქმესთან დაკავშირებით.

ფარული მოსმენების შესახებ კანონპროექტზე ერთიანი ნაციონალური მოძრაობის პოლიტიკური საბჭოს წევრი აკაკი მინაშვილი კურიერის პირდაპირ ეთერში საუბრობს და ამბობს, რომ ხდება კანონის მიღების დაჩქარება. წინააღმდეგობების მიუხედავად, აკაკი მინაშვილს იმედი არ აქვს, რომ იმ კანონპროექტში, რომელიც ხელისუფლების მიერ არის წარმოდგენილი, რამე შეიცვლება.

სამაუწყებლო კომპანია რუსთავი 2-ის ადვოკატი, დიმიტრი საძაგლიშვილი აცხადებს, რომ რუსთავი 2-ის საქმის განმხილველი დიდ პალატის შემადგენლობაში ის მოსამართლეებიც მოხვდნენ, რომელთა აცილებასაც ტელეკომპანიის ადვოკატები მოითხოვდნენ.

The non-parliamentary opposition, including the Free Democrats responded to Rustavi 2case . They are calling on the Supreme Court to issue a decision in the framework of the law.

რუსთავი 2-ის საკითხზე შეფასებები გაკეთდა არასაპარლამენტო ოპოზიციაში, მათ შორის თავისუფალ დემოკრატებშიც. ისინი უზენაესი სასამართლოს მოსამართლეებს მოუწოდებენ, გადაწყვეტილება კანონის ჩარჩოებში მიიღონ.