Новости за 08.01.2017

"კვალიფიკაცია, რომელიც ჯერჯერობით აქვს საქმეს - ძალადობა (126.1), სრულიად არაადეკვატურია,"-ეს განცხადება რუსთავი 2-ის გენერალურმა დირექტორმა ნიკა გვარამიამ ცოტა ხნის წინ გაავრცელა. სოციალურ ქსელში გვარამია ახსენებს დასახელებულ მოტივს და წერს, რომ თავდასხმა ჯგუფური იყო.

გიორგი ოვაშვილის მიერ გადაღებული ფილმის, ხიბულას ტრეილერი მზად არის - რეჟისორმა ზვიად გამსახურდიას პროტოტიპად საკუთარ ნამუშევარში უცხოელი მსახიობი აიყვანა.

ხმაური იყო დღეს ვარკეთილში, სუხიშვილის 12 ნომერთან - ადგილობრივი მოსახლეობა ინვესტორს შეთანხმების დარღვევასა და მშენებლობის განახლებაში ადანაშაულებდა.  

ლეიბორისტული პარტიის თავმჯდომარე შალვა ნათელაშვილი დარწმუნებულია, რომ ნიკა გვარამიაზე განხორციელებული თავდასხმა ბიძინა ივანიშვილს პირდაპირ უკავშირდება.

ფრაქცია ნაციონალური მოძრაობის ხვალინდელ სხდომაზე ნიკა მელიას თავმჯდომარეობის პოსტიდან გადაყენების საკითხს დააყენებენ.

რუსთავი 2-ის გენერალურ დირექტორზე განხორციელებულ თავდასხმის ფაქტზე დაკავებულ რატი გაჩეჩილაძეს ოფიციალურად ბრალს დღის ბოლომდე წარუდგენენ. გაჩეჩილაძე ნიკა გვარამიაზე თავდასხმას აღიარებს, თუმცა მისი ადვოკატის ინფორმაციით დაპირსპირების პროვოცირება გვარამიამ და მისმა მეგობრებმა მოახდინეს. თავდასხმის მოტივად კი ადვოკატი ნიკა გვარამიასა და ნაციონალური მოძრაობის კავშირს ასახელებს. ლევან გაჩეჩილაძის შვილი გვარამიას ფიზიკურად გუშინ საღამოს ფალიაშვილის ქუჩაზე ერთ-ერთ რესტორანში გაუსწორდა.

ერთიანი ნაციონალური მოძრაობის აჭარის რეგიონულ ორგანიზაციაში დაპირისპირებაა. ხვალ ხულოს რაიონში კონფერენცია უნდა ჩატარდეს, რომელზეც 20 იანვარს დაგეგმილი ყრილობის დელეგატებს აირჩევენ.

აქცია იყო ნუცუბიძის მეორე მიკრორაიონში - ადგილობრივები მიმდებარე ტერიტორიის გასხვისებას, ხეების მოჭრასა და ადგილზე ახალი კორპუსის მშენებლობას აპროტესტებენ.

როგორი იქნება ქართულ მხარესა და რუსულ გაზპრომ-ექსპორტს შორის ახალი კონტრაქტი ჯერ უცნობია. 

იერუსალიმში ტერორისტი სატვირთო მანქანით სამხედროების ჯგუფში შეიჭრა, ამის შესახებ BBC წერს. თავდასხმის შედეგად 4 ადამიანი დაიღუპა და სულ ცოტა 15 დაშავდა. გარდაცვლილებს შორის 3 ქალი და 1 მამაკაცია.

ნაციონალური მოძრაობის წევრები რუსთავი 2-ის გენერალურ დირექტორზე მომხდარ თავდასხმას ქვეყანაში დაუსჯელობის სინდრომის არსებობას უკავშირებენ. პარტიის წევრების თქმით, პოლიტიკოსებისა და საჯარო პირების ფიზიკური შეურაცხოფა არაერთხელ მომხდარა, თუმცა არც ერთი დამნაშავე შესაბამისად არ დასჯილა.

ვაშინგტონი და სეული კიმ ჩენ ინის წინააღმდეგ სპეციალურ დანაყოფს ქმნიან, რომელსაც სამხედრო კონფლიქტის შემთხვევაში ჩრდილოეთ კორეის ლიდერისა და ქვეყნის პოლიტიკური და სამხედრო ელიტის ლიკვიდაცია დაევალება - ამ ინფორმაციას სამხრეთ კორეის მედია სამხედრო მაღალჩინოსნებზე დაყრდნობით ავრცელებს.

მორიგი ტერაქტი ბაღდადში - დანაღმული ავტომობილი, რომელსაც ტერორისტი მართავდა, ბაზრის ტერიტორიაზე შეიჭრა და აფეთქდა. წინასწარი მონაცემებით, დაღუპულია 13 ადამიანი, 50 დაშავებული კი საავადმყოფოებში გადაიყვანეს.

ნაციონალურ მოძრაობაში ადასტურებენ, რომ ხვალ ფრაქციის სხდომაზე ნიკა მელიას თავმჯდომარეობიდან გადაყენების საკითს განიხილავენ.

ნიკა გვარამიაზე მომხდარი თავდასხმის დეტალებს დავით დოიაშვილის და, მანანა დოიაშვილი იხსენებს. მისი თქმით დამნაშავეები ტელეკომპანიის გენერალურ დირექტორს ჩუმად მიეპარნენ და თავდასხმა 2-მა პირმა განახორციელა.

ამ წუთებში ხმაურია სუხიშვილის 12 ნომერში. ადგილობრივი მოსახლეობის თქმით, ინვესტორმა დაარღვია შეთანმხება და მშენებლობა განაახლა. ადგილზე მობილიზებულია მძიმე ტექნიკა, რომელმაც მუშაობა განაახლა, ადგილობრივები კი მას მუშაობის საშუალებას არ აძლევენ. 

The Interior Ministry has released a video material regarding the arrest of Rati Gachechiladze accused of the attack at the Director General of Rustavi 2 broadcasting company Nika Gvaramia.

შინაგან საქმეთა სამინისტრო, სამაუწყებლო კომპანია რუსთავი 2-ის გენერალურ დირექტორზე, ნიკა გვარამიაზე თავდასხმის ბრალდებით დაკავებული რატი გაჩეჩილაძის ვიდეომასალას ავრცელებს.

ლონდონი ჩინური ახალი წლის აღსანიშნავად ემზადება. ჩინური კალენდრის მიხედვით, 2017 წელი 28 იანვარს დგება. ცეცხლოვანი მამლის დასახვედრად ლონდონში მცხოვრებმა ჩინურმა დიასპორამ ქალაქში საზეიმო ღონისძიებების სერია დაიგეგმა. საახალწლო სამზადისის ფარგლებში ქალაქის ერთ-ერთი მთავარი ღირშესანიშნაობა- ლონდონ აი რომლიდანაც მთელი ლონდონის ხედი იშლება, წითელ ფერებში გაანათეს.

მსხვერპლი მოჰყვა გაუსაძლის ყინვებს ევროპაში. ცენტრალური და აღმოსავლეთ ევროპის ნაწილს ციკლონი დაატყდა თავს, რის შედეგადაც ტემპერატურა რეკორდულ ნიშნულამდე დაეცა.

გერმანიაში გაყინულ წყალში ცურვის ტრადიციული შეჯიბრი მაინც გაიმართა. ენთუზიასტები ბავარიის რეგიონში ჩავიდნენ, სადაც მინუს 8 გრადუსია.

შეერთებული შტატების ფედერალურმა პროკურატურამ ფლორიდელ მსროლელს ბრალი წაუყენა. ესტებან სანტიაგოს, რომელმაც ფლორიდის აეროპორტში 5 ადამიანი მოკლა და 6 დაჭრა, ძალადობრივ ქმედებებში, მკვლელობასა და ცეცხლსასროლი იარაღის გამოყენებით სხეულის განზრახ დაზიანებაში ადანაშაულებენ.

თურქეთის პრემიერმინისტრი ერაყში ვიზიტის ფარგლებში ეთნიკური ქურთებით დასახლებულ ქალაქ ერბილში ჩავიდა. ბინალი ილდირიმს ერაყის ქურთისტანის ადგილობრივი მთავრობის წარმომადგენლებთან აქვს დაგეგმილი შეხვედრები.

თურქეთის პოლიციამ სტამბოლის ტერაქტის ორგანიზატორის ვინაობა დაადგინა.

გამოძიებაზე დაყრდნობით მედია წერს, რომ ახალი წლის ღამეს კლუბ რეინაში ცეცხლი ეროვნებით უზბეკმა აბდულ-გადირ მაშარიპოვმა გახსნა, რომელიც ასევე აბუ მუჰამედ ჰორა-სანის სახელითაა ცნობილი.

ინფორმაცია ტერორისტის შესახებ გამუდმებით იცვლება. თავდაპირველად გამოძიებამ ყირგიზეთის მოქალაქე დაასახელა, მოგვიანებით კი ძალოვანებმა აღნიშნეს, რომ მკვლელი ეროვნებით უიღურია. გამოძიებას საქმეზე 50-მდე პირი ჰყავს დაკავებული, თუმცა ტერაქტის შემსრულებელს... Читать дальше...

დონალდ ტრამპი რუსეთთან ურთიერთობის აღდგენის მოწინააღმდეგეებს "სულელებს" უწოდებს. შეერთებული შტატების არჩეულმა პრეზიდენტმა საკუთარი პოზიცია ტრადიციულად twitter-ის საშუალებით გამოხატა.