Новости за 20.06.2016

ნაციონალური მოძრაობის წევრი დეპუტატი გივი თარგამაძე შსს-ს შენობაში დაკითხვაზე რამდენიმე საათს იმყოფებოდა. საღამოს 9 საათზე სამინისტროდან გამოსული დეპუტატი დაკითხვის დეტალებს ჟურნალისტებთან ყვება და ამბობს, რომ კანონიერი ქურდის დავით გერლიანის თბილისში ჩამოსვლის შესახებ მის ხელთ არსებული ინფორმაცია სამართალდამცავებს მიაწოდა და მზად არის არსებულ თემაზე უსაფრთხოების სამსახურთან, პროკურატურასთან და ყველა დაინტერესებულ უწყებასთან ითანამშრომლოს.

აუდიტორია 115-ის წევრები შინაგან საქმეთა სამინისტროსა და სახელმწიფო უსაფრთხოების სამსახურის დასკვნას აპროტესტებენ. საგამოძიებო უწყებების გენერალურმა ინსპექციამ 3 სტუდენტის საჩივრის საფუძველზე მოკვლევა დაასრულა. გენერალურმა ინსპექციამ არ დაადასტურა აუდიტორია 115-ის წევრების განცხადებები უნივერსიტეტში გამართული საპროტესტო აქციების დროს სუს-ისა და შინაგან საქმეთა სამინისტროს თანამშრომლების მიერ მათ მშობლებზე ზეწოლის შესახებ.

წინასაარჩევნოდ უფასო პოლიტიკური რეკლამის განთავსებაზე ცვლილებების განსახილველად მედიამენეჯერები პრეზიდენტთან შეიკრიბნენ. საარჩევნო კოდექსში შესატან ცვლილებათა პროექტის მიმართ, რომელიც მედიამენეჯერების ინფორმაციით მხოლოდ 2 მოსმენითაა მიღებული, თითქმის ყველა მაუწყებელს ერთი და იგივე პრეტენზია ჰქონდა. რუსთავი 2-ის, კავკასიის, GDS და სხვა კომპანიების ხელმძღვანელები საათში ერთხელ დაწესებულ ახალ კვოტას აპროტესტებდნენ.

მორიგი შეხვედრა საქართველოსთვის ვიზალიბერალიზაციის დაწესების შესახებ-ამჯერად ამ საკითხს უკვე ევროკავშირის წევრი ქვეყნების საგარეო საქმეთა მინისტრები იხილავდნენ. ლუქსემბურგში მიმდინარე მოლაპარაკებების შემდეგ განცხადება ევროკავშირის უმაღლესმა წარმომადგენელმა ფედერიკა მოგერინიმ გააკეთა. მისი განცხადებით ყველა წევრმა ქვეყანამ დაადასტურა, რომ საქართველომ შეასრულა ყველა პირობა და ახლა ნიდერლანდებმა, როგორც თავმჯდომარე ქვეყანამ ეს საკითხი უნდა შეიტანოს ევროკავშირის მუდმივ წარმომადგენელთა კომიტეტის უახლოესი სხდომის დღის წესრიგში. Читать дальше...

ევროპის სახალხო პარტია მოუწოდებს საქართველოს ხელისუფლებას გაათავისუფლოს პოლიტიკური პატიმრები საპარლამენტო არჩევნებამდე. ევროპის ადამიანის უფლებათა დაცვის სასამართლოს გადაწყვეტილება აქტუალური იყო დღეს ევროპარლამენტის სესიაზეც, სადაც დეპუტატები უკვე ქართული მხარისგან ითხოვენ რეაგირებას სტრასბურგის გადაწყვეტილებაზე.

ბიძინა ივანიშვილმა რამდენიმე კვირის წინ გამოქვეყნებული საკუთარი წერილი ამჯერად ბიზნეს წრეების წარმომადგენლებთან განიხილა. მედიისთვის შეხვედრის მხოლოდ პირველი ნაწილი იყო ღია და ამ პერიოდში ბიძინა ივანიშვილმა ბიზნესმენების წინაშე სწორედ მედია გააკრიტიკა.

ხმაურისა და ფიზიკური დაპირისპირების ფონზე დაიწყო ომარ და თორნიკე ქაფიაშვილების მკვლელობის საქმის განხილვა საქალაქო სასამართლოში. ერთმანეთს ქმრისა და შვილის მკვლელობაში ბრალდებულ მაგდა პაპიძისა და მისი მეუღლის ოჯახის წევრები რამდენიმეჯერ დაუპირისპირდნენ. თვითმხილველების განცხადებით ვითარება მას შემდეგ დაიძაბა რაც პაპიძის ოჯახის წევრები მოკლული ომარ ქაფიაშვილის დედას ფიზიკურად გაუსწორდნენ.

შინაგან საქმეთა სამინისტრო ამ დრომდე არ ავრცელებს ინფორმაციას ე.წ. კანონიერი ქურდის დავით გერლიანის საქართველოში ყოფნის შესახებ. უკრაინიდან დეპორტაციის შემდეგ კრიმინალური ავტორიტეტი საქართველოში ჩამოვიდა და აეროპორტის ტერიტორია უპრობლემოდ დატოვა.

ევროპის სასამართლოს გადაწყვეტილების მიუხედავად მთავარი პროკურატურა ვანო მერაბიშვილის საქმის გამოძიების დაწყებას არ ჩქარობს. მიუხედავად იმისა, რომ უკვე არსებობს სტრასბურგის სასამართლოს გადაწყვეტილება და ანალოგიური მოთხოვნა აქვს, პრეზიდენტს, არასამთავრობო სექტორს და სახალხო დამცველს, ვანო მერაბიშვილის ციხიდან გაყვანის ფაქტზე შოთაძის უწყებას ჯერ ოფიციალური განცხადება არ გაუკეთებია.

არასამთავრობო ორგანიზაციები პარლამენტის დეპუტატებს ფარული მიყურადების კანონპროექტის ინიცირების გაჭიანურებაში ადანაშაულებენ. კამპანია ეს შენ გეხება -ში აცხადებენ, რომ ვახტანგ ხმალაძემ და შალვა შავგულიძემ მზადყოფნა გამოთქვეს კანონპროექტის განსახილველად გასატანად, თუმცა კამპანიის მხრიდან არაერთი ძალისხმევის მიუხედავად, შედეგი ამ დრომდე არ ჩანს.

საქართველოს პრემიერმინისტრი გიორგი კვირიკაშვილი სპეციალურ განცხადებას ავრცელებს და ქვეყანაში წინასაარჩევნო პროცესთან დაკავშირებით არსებულ ვითარებაზე საუბრობს. კვირიკაშვილი პოლიტიკურ ძალთა ქცევის კოდექსის მიღებაზე ამახვილებს ყურადღებას და იმედს გამოთქვამს, რომ ყველა პარტია შეუერთდება მას.

დღეს ისევე როგორც ყოველ ორშაბათს x ფაქტორის დღეა. დღეს საღამოს 9:00 საათიანი კურიერის შემდეგ თქვენ ყველაზე შტამბეჭდავი შოუ გელით. 

Minister of Economy and Sustainable Development Dimitri Kumsishvili assessed the with representatives of business associations and experts and steted that their questions were weak.

საქართველოს ეკონომიკისა და მდგრადი განვითარების მინისტრი დიმიტრი ქუმსიშვილი ბიზნეს ასოციაციების წარმომადგენლებთან და ეკონომიკის ექსპერტებთან შეხვედრას აფასებს და აცხადებს, რომ მათ სუსტი კითხვები დასვეს.

თბილისში ხვალ ამერიკა-საქართველოს სტრატეგიული პარტნიორობის კომისიის სამუშაო ჯგუფის შეხვედრა გაიმართება. ჯგუფში განსახილველ საკითხებზე, საქართველოს პრემიერმინისტრმა გიორგი კვირიკაშვილმა და ევროპისა და ევრაზიის საკითხებში აშშ-ის სახელმწიფო მდივნის თანაშემწის მოადგილემ, ბრიჯიტ ბრინკმა დღევანდელ შეხვედრაზე ისაუბრეს.

სასამართლო სისტემის ძირეულ რეფორმისთვის მოძრაობამ პაატა ბურჭულაძე -სახელმწიფო ხალხისთვის კანონპროექტი მოამზადა. ახალი კანონპროექტი საერთო სასამართლოებისა და მოსამართლეთა დისციპლინური პასუხისმგებლობის შესახებ ცვლილებებს ითვალისწინებს.

ხმაური იყო დღეს, თბილისის საქალაქო სასამართლოში. ერთმანეთს მაგდა პაპიძისა და მისი მეუღლის, ომარ ქაფიაშვილის ოჯახის წევრები დაუპირისპირდნენ. ამ დროისთვის დაპირისპირებაში მონაწილე პირები, მათ შორის მაგდა პაპიძის დედა, ლია შამუგია და ომარ ქაფიაშვილის დედა დარეჯან მინდიკაური დასაკითხად პოლიციაში არიან გადაყვანილები.

ცენტრალური აფრიკის რესპუბლიკაში საქართველოს საგამოძიებო ჯგუფის მიერ დაგეგმილი საგამოძიებო მოქმედებები დასრულდა. ქართულმა მხარემ სავარაუდო დაზარალებულებთან გამოკითხვა ადგილობრივი გამომძიებლების, ადვოკატებისა და არასამთავრობო ორგანიზაციების წარმომადგენლების თანდასწრებით ჩაატარა.

"მე არ ვიცი კანონიერი ქურდები" -ეს განმარტება უმრავლესობის წევრმა გია ვოლსკიმ კანონიერი ქურდის დავით გერლიანის თბილისში ჩამოსვლის შესახებ გააკეთა. ოპოზიციის პრეტენზიებს ის "მორიგ ისტერიკას" უწოდებს. უმრავლესობის ლიდერი მიიჩნევს, რომ ნაციონალური მოძრაობა მსგავსი თემებით სპეკულირებს.

ნაციონალური მოძრაობის წევრი გივი თარგამაძე თბილისში კანონიერი ქურდის დავით გერლიანის ჩამოსვლის შესახებ ინფორმაციას შსს-ს აწვდის. დეპუტატი ამ წუთებში დაკითხვაზეა, თუმცა არა აქვს იმედი, რომ ხელისუფლება კანონიერ ქურდ დავით გერლიანს დააკავებს, რადგან მისი თქმით მთავრობა კანონიერი ქურდებით ცდილობს 2016 წლის არჩევნებზე ხმების მობილიზებას. 

ბიძინა ივანიშვილთან და მთავრობის წევრებთან შეხვედრით კმაყოფილნი არიან ბიზნესის წრეების წარმომადგენლები. შეხვედრის დასრულების შემდეგ ისინი იმ საკითხებზე და თემებზე საუბრობენ რომელიც მათი მხრიდან დაისვა.

Bidzina Ivanishvili met with businessmen, business associations and economic experts . He said that experts` questions were not critical.

ბიძინა ივანიშვილი ბიზნესმენებს, ბიზნეს ასოციაციების წარმომადგენლებსა და ეკონომიკის ექსპერტებს შეხვდა. მისი თქმით. ექსპერტების კითხვები არ იყო კრიტიკული.  

The former prime minister, responded to the decision of the Strasbourg Court, according to which investigation into the incident connected with Vano Merabishvili`s taking from prison should have been investigated.

ყოფილი პრემიერმინისტრი ბიძინა ივანიშვილი სტრასბურგის სასამართლოს იმ გადაწყვეტილებას ეხმაურება, რომლის საფუძველზეც კანონით გათვალისწინებული ნორმების თანახმად ვანო მერაბიშვილის საკნიდან გაყვანის ინციდენტზე გამოძიება უნდა დაიწყოს.