Новости за 30.04.2016

ცეცხლის გადმოსვლას აღდგომის ტაძარში შეკრებილი მორწმუნეები შეძახილებით შეხვდნენ. იერუსალიმის მართლმადიდებელმა პატრიარქმა ის მაცხოვრის საფლავიდან თბილისის დროით 15:30 გამოიტანა და მომლოცველებს შორის გაავრცელა.

საერთაშორისო რესპუბლიკური ინსტიტუტის მონაცემებით, ქვეყნის მნიშვნელოვან პრობლემებს შორის უმუშევრობა წელს ყველაზე მეტმა მოქალაქემ დაასახელა.

ნაციონალური მოძრაობის საარჩევნო სია მაისის შუა რიცხვებში გახდება ცნობილი. ამის შესახებ განცხადება ნაციონალური მოძრაობის ერთ-ერთმა ლიდერმა, დავით ბაქრაძემ, კურიერის პირდაპირ ეთერში გააკეთა.

ნაციონალური მოძრაობის წარმომადგენელი, გიორგი კანდელაკი, რუსთავი2-ის საქმეს ყოფილი პრემიერის, ბიძინა ივანიშვილის, პირად ინტერესს უკავშირებს და ამბობს, რომ თავად ივანიშვილი ჯერ ბოლომდე არ ჩამოყალიბებულა, რომ „წავიდეს შეტევაზე, მაგრამ სახეზე გვაქვს სიმპტომები“.

„ცხადზე ცხადია, რომ შეტევა განახლდა რუსთავი2-ზე,“ - თავისუფალი დემოკრატების ერთ-ერთი ლიდერი, ალექსი პეტრიაშვილი, რუსთავი 2-ის საქმის გარშემო მიმდინარე მოვლენებთან დაკავშირებით კურიერის პირდაპირ ეთერში საუბრობს და აცხადებს, რომ "ძალიან ცუდია, როდესაც ხელისუფლებისგან დამოუკიდებელ მედიასაშუალებაზე მიმდინარეობს პირდაპირი შეტევა და თავდასხმა".

„ხელისუფლებამ განაახლა თავისი მცდელობა, რომ რუსთავი2 ჩაიგდოს ხელში,“ - ასე შეაფასა რუსთავი2-ის ადვოკატმა, ზაზა ბიბილაშვილმა, სააპელაციო სასამართლოში მიმდინარე საქმე.

ორი სხდომა ერთი კვირის შუალედში და რუსთავი2-ის მიერ დაყენებული შუამდგომლობები, რომელიც სააპელაციო სასმართლოს მოსამართლეთა კოლეგიამ ტრადიციულად არ დააკმაყოფილა. პროცესი, რომლის განხილვასაც სასამართლოები თვეობით და ხშირ შემთხვევაში, წლობითაც კი უნდებიან, სამაუწყებლო კომპანიის შემთხვევაში რეკორდული სისწრაფით მიმდინარეობს. სააპელაციო სასამართლოს კოლეგიის შემადგენლობაც არსებითი განხილვის დაწყებამდე სამჯერ ისე შეიცვალა, რომ მიზეზი მხარეებისთვის არავის განუმარტავს.

„ქალაქი აშკარად კატასტროფის წინაშეა,“ - თავისუფალი დემოკრატების წევრი, თამარ ამაშუკელი, ბოტანიკური ბაღის ტერიტორიის ბიძინა ივანიშვილისთვის გადაცემაზე კურიერის პირდაპირ ეთერში საუბრობს.

თბილისის ჰამქარი ბოტანიკური ბაღის ტერიტორიის აუქციონის ჩატარებაზე სპეციალურ საპროტესტო განცხადებას 3 მაისს გაავრცელებს, სადაც იქნება აღნიშნული ის ღონისძიებები, რასაც ორგანიზაცია პროტესტის ნიშნად გეგმავს.

ნაციონალური მოძრაობის საკრებულოს წევრი, ირაკლი აბესაძე, ბოტანიკური ბაღის ტერიტორიის ფარულად აუქციონზე გატანის თაობაზე დეტალებს კურიერის პირდაპირ ეთერში ყვება და ამბობს, რომ ეს "დედაქალაქის მთავრობის დანაშაულებრივი მოქმედება გახლდათ".

ადგილი, რომელსაც ბოტანიკური ბაღის დირექტორი "ქვაღორღიან მიწას" უწოდებს, ცოტა ხნის წინ ლანდშაპტურ-სარეკრეაციო ზონის და კულტურული მემკვიდრეობის ძეგლის სტატუსს ატარებდა.

შალვა ნათელაშვილმა სოციალურად დაუცველ ქალბატონს, ლუდმილა კუპრაშვილს, აღდგომის ბრწყინვალე დღესასწაული მიულოცა. ლეიბორისტების ლიდერი დღეს იმერეთს სტუმრობდა.

ნაციონალური მოძრაობის ერთ-ერთი ლიდერი, გიგა ბოკერია, მთავარ ამოცანად ყოფილი პრემიერის, ბიძინა ივანიშვილისა და მისი გუნდის ხელისუფლებიდან ჩამოშორებას ასახელებს. პარტიის სიის ფორმირებაზე კი ამბობს, რომ კონსულტაციები მიმდინარეობს.

იერუსალიმიდან წმინდა ცეცხლს მომლოცველები საქართველოში დღეს, გვიან ღამით, ჩამოაბრძანებენ. ის აღდგომის ლიტურგიის დროს ყველა ტაძარში გავრცელდება და მორწმუნეებს მისი სახლში წაღების საშუალებაც ექნებათ.

უბედური შემთხვევა თბილისში - ზაჰესში ნაღმზე მამაკაცი აფეთქდა. შემთხვევა იმ დროს მოხდა, როდესაც მამაკაცი საკუთარ ნაკვეთს ამუშავებდა, რომელიც ყოფილი სამხედრო ნაწილის ტერიტორიაზე მდებარეობს.

საფრანგეთში, ქალაქ ტულუზაში, 45 წლის ქალი  იმის გამო დააპატიმრეს, რომ მან პოლიციას ნარკოტიკების "სისუფთავეზე" შემოწმება სთხოვა.

მაცხოვრის საფლავზე წმინდა ცეცხლი გადმოვიდა - ეს სააღდგომო რიტუალის ნაწილია და ამას უამრავი მორწმუნე ელოდებოდა, რომლებიც იერუსალიმში არიან შეკრებილნი. 

უფასო აცრა ყველა ცხოველს - სურსათი ეროვნულმა სააგენტო და ვეტერინარ ექიმთა ასოციაციამ ვეტერინართა საერთაშორისო დღეს აღნიშნავს, რომლის ფარგლებშიც ზოოპარკის ტერიტორიაზე ცხოველებს უფასოდ აცრიან. 

7 ადამიანი დაიღუპა კენიის დედაქალაქში საცხოვრებელი კორპუსის ნგრევის შედეგად. ნაირობიში 6-სართულიანი შენობა ჩამოინგრა.

ულტრა მემარჯვენე პარტიის კონფერენცია გერმანიის ქალაქ შტუტგარტში შეტაკებაში გადაიზარდა. შენობასთან მემარცხენე ძალების წარმომადგენლები შეიკრიბნენ და ცდილობდნენ, კონფერენციაზე შესვლის მსურველებისთვის ხელი შეეშალათ.

რუსეთის თავდაცვის სამინისტრო პენტაგონის ბრალდებას პასუხობს. სერგეი შოიგუს უწყებაში ამტკიცებენ, რომ ამერიკული სადაზვერვო თვითმფრინავი რუსეთის საზღვარს უახლოვდებოდა და გამანადგურებელი სწორედ ამიტომ გაგზავნეს.

სამტრედიის რაიონის სოფელ ვაზისუბანში მეშვიდე დღეა, აქცია გრძელდება. მოსახლეობა მდინარე ხევისწყლიდან ინერტული მასალის მოპოვებას აპროტესტებს. მათ ერთი კვირის წინ გზაზე კარავიც დადგეს.

The court freed the head of the Didube district office of the National Movement, David Napetvaridze without administrative punishment.

ნაციონალური მოძრაობის დიდუბის რაიონული ორგანიზაციის ხელმძღვანელი, დავით ნაფეტვარიძე, სასამართლომ ადმინისტრაციული სახდელის გარეშე გაათავისუფლა. 

ერაყის დედაქალაქ ბაღდადთან ახლოს მომხდარი აფეთქების შედეგად 21 ადამიანი დაიღუპა, 40-ზე მეტი კი დაშავდა.