FBI-ს აგენტებმა დაჭრეს პირი, რომელიც ცენტრალურ სადაზვერვო სამმართველოში შესვლას ცდილობდა
საგამოძიებო ბიუროს ინფორმაციით, მისმა აგენტებმა მამაკაცი, რომელიც ტერიტორიაზე შესვლას ცდილობდა, ჭიშკართან გააჩერეს, დიდი ხნის განმავლობაში არწმუნებდნენ, რომ უნდა დანებებულიყო და მხოლოდ მას შემდეგ ესროლეს, რაც კაცი ავტომანქანიდან ცეცხლსასროლი იარაღით გადმოვიდა.
დაჭრილი ამჟამად საავადმყოფოშია. მამაკაცის ვინაობას და მისი მოქმედების მოტივს ჯერჯერობით არ ასახელებენ.
1993 წელს, პაკისტანელმა მირ აიმალ კანსიმ ცენტრალური სადაზვერვო სამმართველოს ტერიტორიაზე შესვლამდე, შუქნიშანთან, ავტომანქანაში მოკლა დაზვერვის ორი თანამშრომელი.