09.10.12. 7 плюс» гезити

Шайтандын шаштысын алчудай болгон Шамиль мырза (Атаханов) Зарылбек мырза өз кызматын аткарып абийири менен «папкесин»...

The post 09.10.12. 7 плюс» гезити first appeared on Кыргыз гезиттер архиви.

Шайтандын шаштысын алчудай болгон Шамиль мырза (Атаханов)

Зарылбек мырза өз кызматын аткарып абийири менен «папкесин» тапшырып жигиттигин көрсөтүп чыгып кетти. Буга «Баракелде» дегенден башка сөз жок. Шамыке жөнүндө айтсак министрликке президент сунуштады, мен болсо абдан жогорку деңгээлде кабыл алдым дейт, кокуй… Ал эми Рысалиев эмне себептен отставкага кеткени Атахановду президент сунуштаганынын артында кандай саясат жатканы кызык???
«Эмне себептен Зарылбек Рысалиев отставкага кетти жана сизди президент УКМКнын төрарагалыгынан алып койду? Акыркы кезде бул суроолорго жооп жоктой болуп жатат. Биз ачык-айкын мамлекетте жашап жаткандыктан, баары ачык болуш керек.

Алтынбек Сулайманов: «Ата Мекен» фракциясы каракчылыкка катышкандыгын актанып спектакль ойноодо

Каракчылык фактылары боюнча тергөө иши жакында аяктайт. «Бул иш боюнча «Ата Мекендин» бир нече депутаты камакка алынышы мүмкүн, партия кантип актанарын билбей жатат. Алар мага жана айрым республикачыларга карата кара пиарын улантууда. Жергиликтүү кеңешке шайлоо алдында биздин фракцияга жалаа жабышууда».

Нурлан Сулайманов Кыргызстандан неге качкан?

Көк үй жактагы күбүр-шыбырга караганда, учурунда бийликтин ана башында туруп мезгилинде кызматынан кыянаттык менен пайдаланган деп айыпталып, изин жашырып токойлуу мекенге кире качкан Жогорку Кеңештин депутаты Нурлан Сулайманов Кыргызстанга кайтып келе турган болуп жатыптыр. Эмне үчүн качты, эмне үчүн кайтып келе жатат? Кызык. Бирок бизде келе берет, кете беришет, кээде кармап алышат, кайра качырып жиберишет, бир чети таң берип, бир чети суктанып коё албайсың айтор бүдөмүк. «Шамал болбосо чөптүн башы кыймылдабайтго»- аны баарыбыз жакшы билебиз.
Сыягы ИИМдеги Сулаймановго козголгон кылмыш иши гүм-жам болгону калган көрүнөт. Өкмөт башчысы Жантөрө Сатыбалдиевдин Рысалиевди кызматтан алганынын себеби ушул жакта жаткан өңдөнөт. Болбосо «жылан чагып, жылкы теппей эле» жакшынакай иштеп жаткан адамды ким кызматтан алмак эле. Демек, эртең Сулайманов кайтып келе турган болсо, кылмыш ишин тууралап коюшаары анык да.

Акыйкатчы абдан жаш кызга баш кошту дейби…

«Кыргыз байыса аял алат дечү беле? Кызык, Акыйкатчы Кыргызстандагы жалпы айымдардын укугун коргогон Турсуке жыйырма жаштагы сулууга баш кошту деген күбүр-шыбырларды угуп калдык. Эмне дейбиз, бакыт каалайбыз. Бирок жыйырма жаштагы кыз кызык го сыягы, ыя, ыя, ыя?..

Бабанов бүлүк салдыбы…

«Республика» фракциясынын, анын ичинде Ө. Бабановдун Абдулла Юсупов менен байланышы аныкталды, бул боюнча аны мурдагы премьер-министр катары жоопко тартыш керек, деп билдирди депутат Туратбек Мадылбеков «Ата Мекен» фракциянын кезексиз жыйынында.
«Юсуповдун маеги боюнча кылмыш иши кыскартылып отурат. Баарына Ө.Бабанов бүлүк салып жатат. Эч ким жоопкерчилик алган жок. Ошондуктан, Бабановду дагы көрсөтмө бергендиги үчүн мурдагы премьер-министр катары жоопкерчиликке тартуу керек. Чоңдор калып эле жөнөкөй жарандар жоопко тартылса туура эмес. Эл дагы көрсүн, чоңдор дагы жоопкерчиликке тартылып жаткандыгын», — деди ал.
Ошондой эле депутат Ташболот Балтабаев НТС аркылуу Айсулуу Дүйшөнкулованын Алтын аттуу адам менен сүйлөшкөн тасманы көрсөтүүнү талап кылды.
Бул маселе боюнча «Ата Мекен» фракциясынын мүчөлөрү Мамлекеттик жаза аткаруу кызматына карата козголгон кылмыш иштин кыскартылышын кайра карап, тиешелүү адамдарды жоопко тартууну сунушташты.
Ошондой эле Дүйшөнкулованын тасмасы боюнча аты аталган адамдарды суракка алып, Баш прокуратурада бул ишти колго алуу чечими чыгарылды.
Ал эми бул чуулгандуу тасманы «Ата Журт» фракциясы шайлоо астындагы саясый оюн катары баалады.

Султан Каназаров: Текебаев, Ташиев менен да айтышууга туура келди

«Учурунда өкмөттүн басма сөз кызматын жетектеп турган маалда өкмөттө каршы айтылган сын-пикирге жооп берүү менин милдетим болгон. Коомчулукка жалган маалыматты таратпоо үчүн болгон аракетимди жасап иштешим керек, ошон үчүн мен айлык алам. Саясат талаасындагы кээ бир адамдар иш кызматы менен жеке оюн алмаштырып алышат. Өмүрбек Текебаев мага жеке оюнан, позициясынан капа болуп «жердешчиликке карабайсың, мени жалганчы кылдың» деген ачуу сөздөрүн телефон аркылуу айткан, мен ага капа болгонум жок, милдетим катары мамиле кылдым.
Өкмөттүн жүргүзгөн иштерин коргоодон улам жалгыз гана Текебаев менен эмес, К.Ташиев менен да айтышууга туура келди. Турсунбай Бакир уулу сыяктуу көптөгөн депутаттар менен саясый полемикага кирип, өкмөттүн позициясын коргодум. Алардын жумушу — өкмөттү сындаш керек болсо, менин милдетим — маалыматты туура таратуу болду»,-дейт Каназаров..

The post 09.10.12. 7 плюс» гезити first appeared on Кыргыз гезиттер архиви.