№01, 11.01.08. Кутбилим гезити
КУРМАНБЕК БАКИЕВ: ЧЕЧКИНДҮҮ ЭКОНОМИКАЛЫК РЕФОРМАЛАРДЫН МЕЗГИЛИ КЕЛДИ Президент Курманбек Бакиев 10-январда Жогорку Кеңеште депутаттык...
The post №01, 11.01.08. Кутбилим гезити first appeared on Кыргыз гезиттер архиви.
ЧЕЧКИНДҮҮ ЭКОНОМИКАЛЫК
РЕФОРМАЛАРДЫН МЕЗГИЛИ КЕЛДИ
Президент Курманбек Бакиев 10-январда Жогорку Кеңеште депутаттык корпуска жана өкмөткө кайрылуу менен чыгып сүйлөдү. Президент мамлекет турмушундагы орчундуу маселелерди атап, өкмөттүн жана парламенттин алдында турган маанилүү милдеттерди белгиледи. Мамлекет башчы өлкөдө конституциялык реформа соңуна чыгып, туруктуулук үчүн шарт түзүлгөнүн, экономикалык реформаларды чечкиндүү жүргүзүүгө мезгил келгенин, ошондой эле бюджеттин көлөмү 41 миллиард сомго жетип, 2005-жылга салыштырмалуу эки эсеге өскөнүн айта кетти.
Президент мамлекет турмушунда орчундуу делген маселелердин катарында социалдык тармактагы мамлекет саясатына, анын ичинде билим берүү тармагындагы реформаларга да токтолду. Мамлекет башчынын көз карашында мамлекет социалдык тармакта көрсөтүп жаткан кызматтын минималдык стандартын тактап алышы керек. Мектепке чейинки жана мектепте билим берүү мамлекеттин мойнундагы башкы милдеттерден болуп кала берүүгө тийиш. Ошол эле учурда жогорку жана кесиптик билим берүүгө мамлекеттин катышуу деңгээлин кайра карап чыгуу керек. Мында башкача айтканда билим берүү структураларын каржылоодон болочок кадрларды каржылоо системасына өтүү маанилүү маселе. Жогорку билим берүү мамлекеттин керектөөсүн канааттандыра тургандай болуп негизинен рынок жолу менен кетиши керек. Ошол эле учурда жогорку билим берүүнүн стандарттарына да талапты күчөтүү абзел. Билим берүү кызматы үчүн төлөнүп жаткан акчаны болсо көбөйтүү керек.
«Бүтүрүүчүлөрдүн сапаты боюнча ЖОЖдордун коомдук рейтингин чыгаруу жогорку билим берүү системасы үчүн эчак бышып жетилген маселе. Атаандаштык болмоюнча жалаң административдик чараларга таянуу менен бул тармакта сапатты көтөрүү мүмкүн эмес. Окуу жайлардын академиялык автономиясын киргизүү да буга өбөлгө түзөт»,- деп белгиледи президент.
Жогорку окуу жай тармагын каржылоо системасын өзгөртүүдөн үнөмдөлгөн каражаттар жалпы орто билим берүүчү мектептерди техникалык жактан камсыздоого жумшалат. Бардык мектептер компьютер менен жабдылып, жакынкы келечекте алар бүт Интернетке кошулууга тийиш.
Кубат Чекиров, «Кутбилим».
Болон принциптери — билим сапатын көтөрүүгө карай жол
Болон процессинин принциптерин Кыргызстандагы жогорку окуу жайларда ишке ашырууга арналган жогорку окуу жайлар аралык конференция 19-20-январда Билим берүү жана илим министрлигинде өтөт.
Анда Кыргызстандын Болон процессине кошулуусунун жол-жобосу, андан келип чыга турган натыйжалар жөнүндө баяндамалар жасалат. Андан сырткары билим берүү жана илим министри Ишенгүл Болжурова Кыргызстандагы жогорку билим берүүдө жүргүзүлүп жаткан реформалардын бүгүнкү абалы, аларды алдыга жылдыруу жөнүндө мамлекеттик стратегия тууралуу сөз сүйлөйт.
Министр И.Болжурова көптөн бери Кыргызстандагы жогорку билимдин сапатын Европадагы өркөнү өскөн өлкөлөрдүн өрнөгүн алып өнүктүрүү менен Болон процессине кошулууга аракет кылып келет. Анын негизинде Болон процессинин принциптери КР жогорку окуу жайларынын турмушуна акырындык менен кире баштаган. Азыр республика боюнча бир нече ЖОЖ пилоттук багытта иш алып барууда.
Чолпон Кийизбаева, «Кутбилим».
«Сельское образование» продолжает тренинги для авторов учебников
Министерство образования и науки КР в рамках проекта «Сельское образование» продолжает проведение серии тренингов для авторов школьных учебников. В программе обучения задействованы учителя школ, работники образования и науки. Цель тренингов — подготовить контингент будущих потенциальных авторов учебников. Участников знакомят с параметрами и критериями качественного учебника, с индикаторами оценки содержания школьных книг. Тренинги также призваны помочь учителям-практикам составлять проекты новых учебников и правильно работать с ними. По завершении обучения участникам будут вручены сертификаты. Помимо этого, уже обученные специалисты будут включены в специально создаваемый банк данных.
Добавим, что сегодня такие тренинги проходят в школе им. Германа Гмайнера, в учебно-воспитательном комплексе №9, в Бишкекском колледже компьютерных технологий и ряде других столичных школ. По отзывам самих учителей, проводимые тренинги помогают им систематизировать имеющийся опыт по написанию книг, дают возможность узнать о ноу-хау в этой области и высказать свои идеи. По убеждениям участников тренингов, хороший учебник не может быть написан без опыта хорошего учителя. В процессе создания учебника должен непосредственное принимать сам учитель, — говорят они.
В целом же, процессом обучения в рамках проекта Министерства образования и науки КР «Сельское образование» будут охвачены педагоги свыше 20 школ Бишкека.
Айгуль Ештаева.
The post №01, 11.01.08. Кутбилим гезити first appeared on Кыргыз гезиттер архиви.