Новости за 18.03.2024

Маҷлиси Намояндагони Амрико тарҳеро пазируфт, ки эҳтимол кори шабакаи иҷтимоии ТикТок-ро дар ин кишвар маҳдуд кунад.

Маҷлиси намояндагони Амрико тарҳеро қабул кард, ки эҳтимол шабакаи иҷтимоии Тик Ток-ро дар ин кишвар маҳдуд кунад. Тик Ток-ро дар Амрико беш аз 170 миллион нафар истифода мекунад.

Эмомалӣ Раҳмон, президенти Тоҷикистон субҳи имрӯз Путинро табрик гуфт ва пирӯзии ӯро "ғолибияти баҳснопазир" номид. Русия мизбони бештар аз як миллион муҳоҷири тоҷик аст ва ду кишвар ҳамкориҳои зич доранд. Мондани Владимир Путин дар қудрат барои Тоҷикистон чӣ маънӣ дорад.

Кумисюни Марказии интихоботи Русия Владимир Путинро пирӯзи интихоботи президентии ин кишвар эълон кард. Бар асоси натиҷаҳои пешакӣ, Владимир Путин дар интихоботи президентии Русия зиёда аз 87 дарсади раъй ба даст овардааст. Нозирони хориҷӣ интихоботи Русияро саҳнасозишуда номиданд.

Ҳамон тавр, ки бардоштҳо аз интихоботи Русия ва дидгоҳҳо ба пирӯзии Владимир Путин дар ҷаҳон яксон нест, тоҷикон ҳам ба он нигоҳу мавқеъҳои гуногун доранд.

Ахбори Озодӣ

Арзиши имсолаи сафари сокинони Тоҷикистон барои ҳаҷҷи фарзӣ 57 ҳазор сомонӣ, зиёда аз панҷ ҳазор доллар, муқаррар шудааст.

Русия шаҳрванди Узбекистон Ҳасанҷон Аминовро, ки ба куштани соҳиби як меҳмонхона дар шаҳри Истанбул гумонбар мешавад, ба Туркия истирдод кардааст.

Як автобуси масири Чимкент-Новосибирск дар ҳудуди вилояти Алтайи Русия чаппа шудааст.

Ба панҷ донишҷӯйи хориҷии мусулмон, аз ҷумла як нафар аз Тоҷикистон, ҳангоми намозгузорӣ дар ҳудуди Донишгоҳи Гуҷарат ҳамла шудааст.

Додгоҳи олии Тоҷикистон панҷ касро барои рабудан ва қатли Шӯҳрат Исматуллоев, муовини аввали раиси "Ориёнбонк” ба ҳабси абад маҳкум кард.

Дастаи мунтахаби олимпии футболи Тоҷикистон (U-23) зери роҳбарии сармураббӣ Мубин Эргашев омодагиро ба қисми ниҳоии Ҷоми Осиё-2024, ки аз 15-уми апрел то 3-юми май дар Қатар баргузор мешавад, оғоз кард.

Ҷамъомади таълимию тамринии дастаи мунтахаби футболи Тоҷикистон дар доираи омодагӣ ба бозиҳои интихобии Ҷоми ҷаҳон-2026 муқобили тими миллии Арабистони Саудӣ ба поён расид.

Роҳбари ташкилот оид ба ҳуқуқи инсон дар Узбекистон "Эзгулик" Абдураҳмон Ташанов дар бораи муносибати бераҳмона нисбати як кӯдак дар Самарқанд хабар дод.

Низомиҳои қазоқистонӣ ба баландиҳои Ҷулон расиданд. Дар ин бора аз Вазорати мудофиаи Қазоқистон рӯзи 16 март хабар доданд. Онҳо нахуст ба шаҳри Димишқи Сурия рафта ва аз онҷо бо мошин то пойгоҳи ҳифзи сулҳи Фавар расидаанд.

Дар Русия ҳадди ақал 80 касро дар 20 шаҳр боздошт кардаанд, хабар медиҳад тарҳи ҳомии ҳуқуқи "ОВД-Инфо".

Додситонии Русия барои ҳомии ҳуқуқи 72-солаи муҳоҷирон Татяна Котляр 1,5 соли зиндон талаб кардаанд.