Новости за 24.03.2020

Дар Тоҷикистон барномаи пешгирӣ аз коронавирус ва вокуниши эҳтимолӣ дар сурати пайдо шудани бемориро омода карда, барои иҷрои он аз созмонҳои молии ҷаҳонӣ ёрӣ пурсидаанд.

Дар Ҳиндустон, дар пайи ҷорӣ шудани маҳдудият дар робита бо коронавирус, даҳҳо шаҳрванди Тоҷикистон ҳам банд мондаанд.  Рӯзи 24-уми март як шаҳрванди Тоҷикистон аз Деҳлӣ ба Радиои Озодӣ гуфт, бо сабаби қатъи парвозҳо аз Ҳиндустон, имкони бозгашт ба ватанро надоранд. Ин зан, ки нахост номаш нашр шавад, гуфт, дар Деҳлӣ беш аз 20 шаҳрванди Тоҷикистон интизори бозгашт ба ватан ҳастанд ва бархе аз онҳо бо сабаби муолиҷаву ҷарроҳӣ ва гурӯҳи дигар аз рӯи барномаи таълимӣ ба ин кишар рафтаанд. Ӯ гуфт... Читать дальше...

Ба думболи эълони карантин ва дастури пӯшидани ниқоб дар Узбекистон шаҳри Самарқанд камодам шуд. Яке аз корбарони Радиои Озодӣ рӯзи 24-уми март видеоеро аз Самарқанд фиристод, ки кӯчаҳои камодам ва мардумеро нишон медиҳад, ки ҳама ниқоб пӯшидаанд.

Созмони насарсанҷии Gallup мегӯяд, бар асоси нишондодҳои солҳои 2017-2019 Тоҷикистон аз рӯи шохиси хушбахтӣ дар миёни 153 кишвари ҷаҳон дар мақоми 71-ум қарор гирифт.

Сокинони деҳаи Ҳалқаҷар дар ноҳияи Хуросон паёмадҳои сели шоми 21-уми мартро рафъ мекунанд. Сел дар инҷо ба хонаҳои мардум осеб расонд ва молу амволашонро нобуд кард. Мардум шикоят доранд, ки касе аз мақомот ба додашон намерасад.

Сокинони Ҳалқаҷар дар ноҳияи Хуросон паёмадҳои сели шоми 21-уми мартро рафъ мекунанд. Сел дар инҷо ба хонаҳои мардум осеб расонд ва молу амволашонро нобуд кард. Мардум шикоят доранд, ки касе аз мақомот ба додашон намерасад.

Наргис, сокини 45-солаи шаҳри Самарқанд, рӯзи 23-юми март сари мошинаи дарздӯзӣ нишаст. Вай барои шавҳару фарзандон ва хешовандони дигар нақобҳои тиббӣ медӯзад, то дар кӯчаву хиёбонҳо оромона гаштугузор кунанд.

Дар поёни ҳафта Шӯрои иҷроияи Сандуқи Байналмилалии Пул дархости Қирғизистонро барои кумаки молиявӣ дар амри мубориза бо коронавирус дар ин кишвар ба баррасӣ мегирад. Дар Қирғизистон то 24-уми март 42 мавриди сироят ёфтани сокинон ба вируси нав сабт шудааст.

Ба коронавирус, ки охири соли гузашта дар Чин кашф шуд, то кунун садҳо ҳазор нафар дар ҷаҳон гирифтор шуда, беш аз даҳ ҳазор тани дигар ҷон бохтаанд. Ин омор ҳар лаҳза дар ҳар гӯшаи ҷаҳон дар ҳоли тағйир аст. Бо харитаи нав аз рақамҳои навтарин дар ин замина огоҳ шавед.

Мақомоти Тоҷикистон гузаргоҳҳои сарҳадӣ бо Қирғизистонро, ки то рӯзи сешанбе 42 мавриди гирифторӣ ба коронавирусро сабт кардааст, муваққатан бастанд. Вазорати корҳои хориҷии Тоҷикистон хабар дод, ки ин маҳуддият рӯзи 24-уми март ҷорӣ шуда, то замони ба эътидол омадани вазъият идома хоҳад кард. Сабаби чунин тасмимро мақомот "эълон гардидани сирояти коронавирус ва вазъи бавуҷудомадаи эпидемиологӣ" рабт додаанд. Ин маҳдудият ба шаҳрвандони Тоҷикистон, ки ба кишвар ворид мешаванд; хориҷиҳое... Читать дальше...

Вазири тандурустии Чехия Адам Войтех гуфт дар ин кишвар нафари дувум марди 40-сола аз коронавирус ба ҳалокат расидааст. Ӯ дар бемористоне дар Моравияи шарқӣ ҷон додааст. Войтех рӯзи 24 март дар Твиттераш навишт, ки бемор дар натиҷаи “кор накардани чандин узваш” мурдааст ва инчунин бемории саратон доштааст. "Коронавирус ҳолати ӯро бадтар кард" - навиштааст Войтех. Ин марг як рӯз пас аз он рӯй дод, ки Вазорати корҳои дохилии Чехия маҳдудияти равуоро то 1 апрел дароз кард. Аз рӯи қоидаҳои нав, ҳамчунин... Читать дальше...

Вилояти Мухтори Кӯҳистони Бадахшон ягона минтақае дар Тоҷикистон аст, ки то кунун расонаҳои мустақил надорад. Телевизиони давлатӣ ҷойгузин (алтернатива) надорад ва сокинон ба шабакаҳои иҷтимоӣ ва хабаррасонии мардумӣ (даҳон ба даҳон) бартарӣ медиҳанд. Расо даҳ сол муқаддам дар шаҳри Хоруғ шумораи нахустини якумин нашрияи соҳавии "Ҳаёт" бо ташаббуси Шӯрои ҳамоҳангсозӣ дар умури табобат ва пешгирии Бемории норасоии масъунияти бадан нашр шуд, ки моҳнома буд. Тиражи моҳонаи нашрия 800 нусха буд, ки... Читать дальше...

Сандуқи байналмилалии пул дар як блогаш навишт, ки дархости ҳукумати Қирғизистонро барои дарёфти ёрии изтирории молӣ барои муқобила бо вируси фарогири Ковид-19 баррасӣ хоҳад кард. Ба эҳтимоли зиёд, ин аввалин ҷумҳурии Осиёи Марказӣ мешавад, ки барои муқобила бо коронавирус аз созмони байналмиллии молии воқеъ дар Вашингтон  кӯмак мегирад. Дар блоги СБП дар бораи ҳаҷми маблағи дархостӣ чизе гуфта намешавад. То ҳол даҳҳо кишвари ҷаҳон аз Осиёи Марказиву Ховари Миёна  барои  кӯмаки изтирорӣ дар муқобила бо паҳншавии вирус ба СБП муроҷиат кардаанд. Читать дальше...

Бино ба иттилои расмӣ дар Тоҷикистон то имрӯз ягон ҳолати сироят ёфтани одамон ба коронавирус сабт нашудааст. Вале мавзӯи баҳс дар бораи ин беморӣ ҷомеаи Тоҷикистонро ба гуруҳи "хушбинҳо" (оптимистҳо) ва "бадбинҳо" (пессимистҳо) тақсим кардааст.

Вазорати тандурустии Қазоқистон хабар медиҳад, ки дар пойтахти ин кишвар як ҳолати дигари гирифторӣ ба вируси корона сабт шудааст. Ин шашумин ҳолати сабти гирифторони нав дар Қазоқистон танҳо дар рӯзи сешанбеи 24-уми март аст. Ба ин тартиб, шумори умумии гирифторони вируси корона дар Қазоқистон ба 68 расид. Аз ин теъдод 35 тан дар шаҳри Нурсултон, 29 тан дар шаҳри Алмато, ду тан дар Қарағанда, якҳолатии дигар дар вилоятҳои Алмато ва Оқтеппа сабт шудааст. Дар саросари дунё то шоми 23-уми март бештар аз 372 ҳазор ҳолати гирифторӣ... Читать дальше...

Дар Русия нисбати як мутахассиси амрози сироятӣ, ки эҳтимолан баъди богашташ аз Испания  карантини хонагиро риоя накард, парванда боз кардаанд. Кумитаи тафтишот дар минтақаи Ставрополйе сардухтури бемориҳои сироятии минтақаро барои нақзи қоидаҳои карантин ба ҷавообгарӣ кашидааст. Ирина Санникова бар асоси ду моддаи Кодекси ҷиноӣ – “Пинҳон кардани иттилоъ дар бораи ҳаводисе, ки ба зиндагиву саломатии инсонҳо хатар дорад” ва “Хунукназарӣ” гумонбар мешавад. Ба ӯ то панҷ соли зиндон таҳдид мекунад.  Тафтишот мегӯяд... Читать дальше...

Дар Қирғизистон 26 ҳолати нави мубталошавӣ ба коронавирус ба қайд гирифта шудааст. Дар ин бора муовини вазири тандурустии Қирғизистон Толо Исоқов дар ҷаласаи Ситоди ҷумҳуриявӣ хабар дод. Дар миёни мубталоён ду тифли то 1-сола, кӯдаки 6 сола, навраси 14-сола низ ҳастанд. Боқӣ аз 16 то 86 сол доранд. Ҳамаи онҳо дар бемористони ҷумҳуриявии касалиҳои сироятии шаҳри Бишкек, бемористонҳои вилоятҳои Ӯш, Ҷалолобод ва Бодканди Қирғизистон бистарӣ карда шудаанд. Ба огаҳии ситод, 4 тани дигар бо натиҷаи мусбати пешакӣ бистарӣ шуда... Читать дальше...

Додгоҳе дар шаҳри Краков се шаҳрванди Полшаро дар амалҳои террористӣ айбдор дониста гуфт, ин шахсони рӯ ба Русия соли гузашта як маркази фарҳангии маҷорӣ (ё венгерӣ)-ро дар ғарби Украина оташ задаанд. Ин нафарон дар оташ задани маркази фарҳангии маҷориҳо дар минтақаи Закарпатйеи Украина айбдор дониста шуданд. Ин минтақа макони зисти 100 ҳазор маҷориҳо мебошад. Раҳбари ин гурӯҳ Михал Прокоповичи 29-сола ба се соли зиндон маҳкум шуд. Як шарики 23-солаи ӯ ба ду соли зиндон ва нафари сеюм ба хотири... Читать дальше...

Дар Туркманистон аз шаҳрвандоне, ки мехоҳанд аз як минтақа ба минтақаи дигар сафар кунанд, талаб мешавад, дар бораи мубтало нашуданашон ба коронавирус маълумотнома пешниҳод кунанд. Мақомоти туркман ахиран дар доираи чораҳои пешгирӣ аз паҳни коронавирус равуо миёни шаҳру вилоятҳоро маҳдуд карданд ва ба онҳое иҷозати сафар ба дигар минтақаро медиҳанд, ки бо пешниҳоди маълумотнома ба коронавирус мубтало нашуданашро исбот кунад. Ба иттилои хабарнигори бахши туркмании Радиои Озодӣ талаботи нав навбатпоиҳои... Читать дальше...

Дар шаҳри Тошканди Узбекистон аз 24-уми март фаъолияти тамоми бозору фурӯшгоҳҳои масолеҳи ғайриғизоӣ, аз ҷумла сохтмонӣ, техникаҳои маишӣ ва мошин новобаста аз шакли моликияташон муваққатан қатъ карда мешавад. Ба огаҳии шаҳрдории пойтахти Узбекистон, дар Тошканд танҳо бозорҳои деҳқонону фурӯшгоҳҳои маҳсулоти ғизоӣ, дорухона, бемористон ва бунгоҳҳои тиббӣ ба фаъолияти худ идома хоҳанд дод. Маконҳои ғизои умум танҳо ба шарте ҳаққи иҷозати фаъолият доранд, ки муштариёнро қабул накунанд ва ғизоро ба манзилу хонаҳои фармоишгарон дастрас намоянд.

Пойгоҳи иттилооти иқтисодии РБК дар Русия мегӯяд, тарс аз болоравии нархҳову қарзҳои бонкӣ боиси афзоиши муроҷиатҳо ба бонкҳо барои дарёфти қарз шудааст. Таҳлилгарон мегӯянд, ки дар марҳилаҳои мухталифи бӯҳронҳои иқтисодӣ ва тарс аз болоравии нархҳо дар Русия мардум одат доранд аз паи захира кардани ғизову мол, ҳамчунин хариди мошину хона шаванд. Арзиши рубли русӣ дар давоми як моҳи охир бо сабаби коҳиши нархи нафт  то ҳол  тақрибан 20 дарсади арзишашро аз даст додааст. Сабаби ин дар ихтилофи Маскав ва Риёз бар сари нархи нафт аст. Читать дальше...

Дар мусобиқаи ҷумҳуриявӣ оид ба аспдавонӣ барои дарёфти Ҷоми “Пойтахт-2020” бахшида ба Иди байналмилалии Наврӯз, ки 22-юми март дар “Наврӯзгоҳ”-и Душанбе баргузор шуд, 70 сар аспи зотҳои тоҷикӣ, англисӣ ва ахалтекинӣ (туркманӣ) аз шаҳрҳои Душанбе, Ваҳдат, Роғун, ноҳияҳои Данғара, Рӯдакӣ, Файзобод, Фархор ва Ховалинг ширкат дошт. Дар ин бора довари ин мусобиқа профессор Арбобмирзо Шамсиев, муҳаққиқи соҳа ва муаллифи аспи зоти тоҷикӣ, имрӯз, 24-уми март, ба Радиои Озодӣ хабар дод. Ӯ гуфт, ки мусобиқаи... Читать дальше...

Дар ин шабу рӯзе, ки сокинони Италия зери реҷаи шадиди карантин ҳастанд ва ин кишвар аз хуруҷи короновирус беш аз дигар давлатҳо қурбонӣ медиҳад, як овозхони ҷавони тоҷик бо таронасароӣ аз айвони манзили зисташ талош дорад ҳамсояҳои итолиёвиашро рӯҳбаланд созад.  Бинобар иттилои охирин дар Италия наздик ба 60 ҳазор нафар гирифтори бемории COVID -19 шуда, то санаи 23-уми март 5476 нафар фавтидаанд. Шоҳрух Юнусов, овозхони ҷавони тоҷик, донишҷӯи Консерваторияи давлатии ба номи Ҷузеппе Верде дар... Читать дальше...

Вазорати умури хориҷии Амрико бо нашри як баёния, ки лаҳни он ниҳоят шадид мебошад, аз идомаи ихтилофҳо байни Ашраф Ғанӣ ва Абдуллоҳ Абдуллоҳ дар мавриди натиҷаҳои интихоботи президентӣ, интиқод кардааст. Ин баёнияи Вазорати умури хориҷии Амрико ин ихтилофҳоро "таҳдид алайҳи амнияти миллии ИМА" хондааст. Вазорати умури хориҷии Амрико дар ин баёния гуфтааст, ки як миллиард доллар кӯмакҳои худро барои Афғонистон қатъ мекунад. Вашингтон шарт гузоштааст, ки танҳо дар сурати ташкили як "ҳукумати фарогир ва мушорикат дар раванди сулҳ"... Читать дальше...

Раиси Созмони ҷаҳонии тандурустӣ (СҶТ) Тедрос Адҳано Гебрэсус мегӯяд, вируси нав дар саросари ҷаҳон босуръат паҳн мешавад. Ба гуфтаи ӯ, дар давоми 11 рӯз шумори мубталоёни коронавирус аз 100 ҳазор то ба 200 ҳазор нафар расидааст. "Пас аз чаҳор рӯзи дигар аллакай шумори беморон ба 300 ҳазор кас расид. То шоми рӯзи душанбе ин рақам дар саросари ҷаҳон 373 ҳазор шуд", -изҳор дошт ӯ. Беш аз 20 навъи доруи зидди коронавирус ё худ COVID-19 дар ҳоли коркард қарор доранд. Дар бораи муассир будани яке... Читать дальше...