1-meteren tilbake i Ålesund
Det er aukande smittetrykk i Ålesund og kriseleiinga har bestemt at rådet om å halde ein meters avstand må takast i bruk igjen. Tysdag denne veka fekk kommunen bekrefta 34 nye smittetilfelle. Det er flest barn og fullvaksinerte som er smitta, opplyser kommunelegen. Det blir ingen krav til utestadar eller restaurantar om å redusere tal på besøkande. Dersom ein ser at smitten ikkje går ned kan det bli aktuelt med strengare lokale tiltak, ifylgje kommunen.