ბრიტანული დაზვერვა: კრემლმა პუტინის ტრადიციული პრესკონფერენცია იმ მიზეზით გააუქმა, რომ …
ბრიტანული დაზვერვის ინფორმაციით, კრემლმა მიმდინარე წლის ბოლოს რუსეთის პრეზიდენტის ვლადიმერ პუტინის ტრადიციული პრესკონფერენცია იმ მიზეზით გააუქმა, რომ კონფლიქტის ფონზე „სპეციალური სამხედრო ოპერაციის“ გამო უკმაყოფილება არ გამოეთქვათ.
ბრიტანული დაზვერვა აღნიშნავს, რომ ეს პრესკონფერენცია უკვე დამკვიდრდა, როგორც მნიშვნელოვანი საჯარო ღონისძიება პუტინის განრიგში.
დაზვერვა აღნიშნავს, რომ ღონისძიებას პუტინი იყენებდა როგორც ღიაობის დემონსტრირებას.
„მიუხედავად იმისა, რომ პრესკონფერენციისთვის კითხვები თითქმის წინასწარ არის გადამოწმებული, ღონისძიების გაუქმება, როგორც ჩანს, დაკავშირებულია მზარდ შეშფოთებასთან რუსეთში ანტიომის განწყობის მატებასთან დაკავშირებით“, – აღნიშნულია ინფორმაციაში.
ბოლო ათი წლის განმავლობაში პირველად კრემლმა დაადასტურა ინფორმაცია, რომ კრემლის ლიდერი ყოველწლიურ პრესკონფერენციას არ გამართავს.