საინტერესო ფაქტები “მონა ლიზას” შესახებ
გსურთ იცოდეთ მეტი მსოფლიოს ყველაზე ცნობილი ნახატის შესახებ? მაშინ ეს სტატია უნდა წაიკითხოთ. ქალი, რომელიც უფრო ცნობადია, ვიდრე ყველა გამოჩენილი ვარსკვლავი ერთად აღებული. სახელი “მონა ლიზა” იცის ყველამ, განურჩევლად სქესისა და ასაკისა. მასზე საუკუნეების განმავლობაში იქმნებოდა მითები და ლეგენდები, ამიტომ რთულია, გაარკვიო რა არის ნამდვილი.
ადრე სწამდათ, რომ ეს ნახატი სინამდვილეში ავტოპორტრეტი იყო. არსებობდა თეორია, რომლის თანახმადაც ლეონადრო და ვინჩიმ საკუთარი თავი ფემინური ნაკვთებითა და სტილით გამოსახა. თუმცა მსოფლიო კრიტიკოსებმა და ექსპერტებმა ეს ვარაუდი უარყვეს.
2005 წელს მოხდა რეალური პიროვნების იდენტიფიცირება. ნახატზე გამოსახული ქალბატონი ლიზა ჯერარდინია. იგი ფლორენციის მდიდარი და გავლენიანი გვარის წარმომადგენელი იყო. პორტრეტის შესრულება მხატვარს ლიზას მეუღლემ შეუკვეთა, მისი მეორე ვაჟის დაბადებისა და ახალ სახლში გადასვლის აღსანიშნავად.
მიუხედავად ნახატის იდეალური და გამაოგნებელი გამომსახველობითი ხერხების და დეტალებისა, არიან ადამიანები, რომლებიც ფიქრობენ, რომ “მონა ლიზა” დასრულებული არ არის. ამ თეორიის მიხედვით ლეონარდომ ხელის პარალიზება მიიღო 1517 წელს, ვიდრე იგი ნახატს დაასრულებდა. ეს ვარაუდი, ნაწილობრივ, ლიზას წარბების შეფერილობამ წარმოშვა. ნაწილი თვლიდა, რომ მას რაღაც აკლდა, სხვები კი ამბობდნენ, რომ ასეთი წარბები 1500-იან წლებში საკმაოდ მოდური იყო.
ცნობილი ნახატი მრავალი გავლენიანი ადამიანის ხელში აღმოჩნდა, ვიდრე ლუვრის მუზეუმში საპატიო ადგილს მიიჩენდა. მათ შორის იყო ნაპოლეონ ბონაპარტეც. აღსანიშნავია, რომ უამრავი მნახველი ნახატით იმედგაცრუებული რჩება. მიზეზი კი მისი რეალური ზომაა. ამ ხელოვნების ნიმუშის მსოფლიო გავლენის გამო, რატომღაც, ყველას უზარმაზარი ტილო წარმოუდგენია, თუმცა “მონა ლიზას” სიგრძე 77, ხოლო სიგანე 53სმ-ია.
ვინაიდან ნახატის დაზიანება ბევრჯერ სცადეს, ახლა მას ტყვიაგაუმტარი მინა იცავს. ალბათ, გაგიჩნდებათ კითხვა, რატომ არ ცდილობს მსოფლიოს რომელიმე გავლენიანი და ცნობილი ადამიანი ნახატის შესყიდვას? მიზეზი მარტივია, “მონა ლიზა” ეროვნული სიმდიდრეა და საფრანგეთის მთავრობას ეკუთვნის. მისი გაყიდვა კანონით იკრძალება, ამრიგად ნახატი შეუფასებელია.
წყარო/ფოტო: Dreams In Paris