Փաշինյանը՝ Տավուշի 4 գյուղերի, սահմանազատման, լեգիտիմ սահմանների եւ զինծառայության մասին
«Դա նշանակում է՝ մենք ոչ թե Հայաստանի եւ Ադրբեջանի միջեւ նոր սահման ենք ստեղծում, այլ վերարտադրում ենք Խորհրդային Միության փլուզման պահին դե յուրե իրավական նշանակություն ունեցող սահմաններն Ալմա-Աթայի հռչակագրի հիման վրա: Հիմա շատ կարեւոր է, որ մենք նաեւ գործնականում ի ցույց դնենք մեր հավատարմությունն այդ գործընթացին։ Իհարկե կարեւոր է, որ Ադրբեջանը նույնպես դա ի ցույց դնի:
Հայաստանի ինքնիշխանության եւ անկախության զարգացման մի շատ կարեւոր անկյունաքար է դրվում, եւ կարծում եմ՝ սա շատ կարեւոր պրոցես է, շատ կարեւոր իրադարձություն է: Ես չեմ ուզում բարձրագոչ բաներ ասել, բայց սա անկյունաքար է Հայաստանի անկախությանը, ինքնիշխանությանը, անվտանգությանը եւ հետագա զարգացմանը, ընդ որում՝ մեր պետության երկարաժամկետ գոյության համար»,- մայիսի 1-ին Հանրային հեռուստաընկերությանը տված հարցազրույցում ասել է Նիկոլ Փաշինյանը:
Նա նշել է, որ եթե առաջիկա տարիներին «կարողանանք պահպանել մեր պետականությունը, ինքնիշխանությունը, անկախությունը, ապա կկարողանանք երաշխավորել, որ առաջիկա տասնամյակներում ՀՀ անկախ պետությունը գոյություն կունենա»:
Խոսելով Տավուշի մարզի 4 գյուղերի մասին՝ Նիկոլ Փաշինյանն ասել է, որ դրանք երբեք չեն եղել Հայաստանի Տավուշի մարզի կազմում։
«Մենք այդպիսի բնակավայրեր չենք ունեցել, եւ Ալմա-Աթայի հռչակագրի տրամաբանությամբ դրանք գտնվել են Խորհրդային Ադրբեջանի կազմում։
Մեր դիրքերի լեգիտիմությունն արդեն իսկ մեր կողմից ձեռք բերված պայմանավորվածությունների հիման վրա է, որովհետեւ մեր դիրքերը լեգիտիմ են այստեղ»,- ասել է նա:
Նիկոլ Փաշինյանի խոսքով՝ սահմանազատվող հատվածներում սահմանի պահպանությունը Սահմանապահ զորքերին է հանձնվելու.
«Սահմանազատված հատվածներում Պաշտպանության նախարարությունը ծառայություն չի իրականացնելու սահմանի պահպանության համար: Սահմանի պահպանության հարցն ամբողջությամբ իրականացնելու են ԱԱԾ սահմանապահ զորքերը, որովհետեւ սահմանապահ զորքերի մանդատն է՝ իրականացնել ՀՀ սահմանի պահպանությունը:
Եվ սա կարեւոր հանգամանք է, որովհետեւ զինվորն ի՞նչ գործ ունի սահմանին կանգնած: Մեր բանակի մեծագույն խնդիրներից մեկն այն է, որ մեր զինվորներն իրենց ծառայության մեծ մասն անցկացնում են խրամատի մեջ, այսինքն՝ իրենք նույնիսկ չեն հասցնում նորմալ պատրաստվել որպես զինվոր: Սա անտրամաբանական բան է: Զինվորը պետք է լինի մշտական տեղակայման վայրում, պետք է լինի մոբիլ եւ երբ անվտանգության խնդիր կա՝ գնա այդ խնդիրը լուծի, վերադառնա զորամաս»:
«Դա նշանակում է՝ մենք ոչ թե Հայաստանի եւ Ադրբեջանի միջեւ նոր սահման ենք ստեղծում, այլ վերարտադրում ենք Խորհրդային Միության փլուզման պահին դե յուրե իրավական նշանակություն ունեցող սահմաններն Ալմա-Աթայի հռչակագրի հիման վրա: Հիմա շատ կարեւոր է, որ մենք նաեւ գործնականում ի ցույց դնենք մեր հավատարմությունն այդ գործընթացին։ Իհարկե կարեւոր է, որ Ադրբեջանը նույնպես դա ի ցույց դնի:
Հայաստանի ինքնիշխանության եւ անկախության զարգացման մի շատ կարեւոր անկյունաքար է դրվում, եւ կարծում եմ՝ սա շատ կարեւոր պրոցես է, շատ կարեւոր իրադարձություն է: Ես չեմ ուզում բարձրագոչ բաներ ասել, բայց սա անկյունաքար է Հայաստանի անկախությանը, ինքնիշխանությանը, անվտանգությանը եւ հետագա զարգացմանը, ընդ որում՝ մեր պետության երկարաժամկետ գոյության համար»,- մայիսի 1-ին Հանրային հեռուստաընկերությանը տված հարցազրույցում ասել է Նիկոլ Փաշինյանը:
Նա նշել է, որ եթե առաջիկա տարիներին «կարողանանք պահպանել մեր պետականությունը, ինքնիշխանությունը, անկախությունը, ապա կկարողանանք երաշխավորել, որ առաջիկա տասնամյակներում ՀՀ անկախ պետությունը գոյություն կունենա»:
Խոսելով Տավուշի մարզի 4 գյուղերի մասին՝ Նիկոլ Փաշինյանն ասել է, որ դրանք երբեք չեն եղել Հայաստանի Տավուշի մարզի կազմում։
«Մենք այդպիսի բնակավայրեր չենք ունեցել, եւ Ալմա-Աթայի հռչակագրի տրամաբանությամբ դրանք գտնվել են Խորհրդային Ադրբեջանի կազմում։
Մեր դիրքերի լեգիտիմությունն արդեն իսկ մեր կողմից ձեռք բերված պայմանավորվածությունների հիման վրա է, որովհետեւ մեր դիրքերը լեգիտիմ են այստեղ»,- ասել է նա:
Նիկոլ Փաշինյանի խոսքով՝ սահմանազատվող հատվածներում սահմանի պահպանությունը Սահմանապահ զորքերին է հանձնվելու.
«Սահմանազատված հատվածներում Պաշտպանության նախարարությունը ծառայություն չի իրականացնելու սահմանի պահպանության համար: Սահմանի պահպանության հարցն ամբողջությամբ իրականացնելու են ԱԱԾ սահմանապահ զորքերը, որովհետեւ սահմանապահ զորքերի մանդատն է՝ իրականացնել ՀՀ սահմանի պահպանությունը:
Եվ սա կարեւոր հանգամանք է, որովհետեւ զինվորն ի՞նչ գործ ունի սահմանին կանգնած: Մեր բանակի մեծագույն խնդիրներից մեկն այն է, որ մեր զինվորներն իրենց ծառայության մեծ մասն անցկացնում են խրամատի մեջ, այսինքն՝ իրենք նույնիսկ չեն հասցնում նորմալ պատրաստվել որպես զինվոր: Սա անտրամաբանական բան է: Զինվորը պետք է լինի մշտական տեղակայման վայրում, պետք է լինի մոբիլ եւ երբ անվտանգության խնդիր կա՝ գնա այդ խնդիրը լուծի, վերադառնա զորամաս»: