Новости за 18.05.2018

په تېرو میاشتو کې د قبایلي سیمو خلکو د خپلو سیاسي او ټولنیزو حقونو د غوښتنو لپاره د مظاهرو یوه لړۍ پیل کړې چې پیل یې د فبرورۍ له لومړۍ څخه د پښتون تحفظ غورځنګ تر نامه لاندې په اسلام اباد کې ۱۰ ورځنۍ ناسته وه.

ټاکل شوې وه چې د فاټا اصلاحاتو بل نن د جمعې ورځ د پاکستان قامي اسمبلۍ ته د بحث لپاره وړاندې شي خو د ځینو مادو د ورزیاتولو یا کمولو له کبله وړاندې نه شو. د قامي وطن پارټۍ مشر افتاب احمد خان شېرپاو وايي، غالب امکان دی چې د راتلونکې دوشنبې په ورځ به اسمبلۍ ته وړاندې شي خو له خیبره د قامي اسمبلۍ غړی حاجي شاه ګل وايي، داسې نه ښکاري چې بل به له اسمبلۍ منظور کړل شي ځکه چې په درو کې دوه اکثریت ترلاسه کول او د پارلمان کورم پوره کول په اوسنیو حالاتو کې امکان نه لري. د مشال راډيو ویډيو

د افغانستان د سولې عالي شورا ویاند وايي، د افغانستان او پاکستان دیني عالمان د پراخو غونډو پر جوړولو سلا شوي دي چې پکې به د اسلام تر مقدس دین لاندې پر افغان سوله بحث کېږي.

د امریکا ولسمشر ډونلډ ټرمپ د مې پر ۱۷مه د شمالي کوریا مشر کیم جون اونګ ته په هغه صورت د تحفظ ورکولو وړاندیز کړی که چیری اټومي وسلې له لاسه ورکري.

د خیبر پښتونخوا صوابۍ کلي اتلس کلن مراد علی خان پيدایشي لاسونه نه لري خو هم همت یې دومره لوړ دی چې له ورځنیو کارونو سره سره د کرکټ لوبه هم په ښه لوالتیا کوي. د مشال راډيو ویډيو

د ترکیې په استانبول ښار کې د بيت‎المقدس په موضوع رابلل شوې غونډه کې د نورو اسلامي هېوادونو د مشرانو ترڅنګ افغان ولسمشر محمد اشرف غني هم د ګډون لپاره ترکیې ته لاړ.

نن د مې په ۱۸مه په ترکي کې د بيت المقدس په اړه د اسلامي هېوادونو سازمان( او ای سي) ځانګړې سرمشريزه کېږي.

تر برید وروسته ګڼ سرتېري د پېښې ځای ته ورسېدل او نښته پیل شوه چې له کبله یې د نوي کلي او چمن هاوسېنګ تر منځ سیمه تر یو ساعت پورې کلا بنده وه.

پولېټیکل اېجنټ ایاز خان د مې پر ۱۸مه پېشلمي (پېشمني) مهال مشال راډیو ته په استولي پیغام کې ویلي، انتظامي چارواکو او د شمالي وزیرستان یوه پوځي چارواکي مېجر جنرال اظهر اقبال عباسي بېګا د پرلت له ګډونوالو سره خبرې وکړې.