Новости за 17.04.2024

Бүген Казан аэропортында Киров өлкәсе оперативниклары федераль эзләүдә булган ир-атны тоткан. Бу турыда «Татар-информ» Россия Эчке эшләр министрлыгының Киров өлкәсе буенча идарәсенә сылтама белән хәбәр итте.

Авыл хуҗалыгы тармагында дәүләт тарафыннан булдырылган төрле матди ярдәм чаралары бар. Акчалата ярдәмне алу өчен, малларны законнарга буйсынып асрау мөһим. Димәк, терлек чиплаштырылган, ветеринария тикшеренүләре үткән булырга тиеш.

Октябрь башыннан бирле Газзә секторында Израиль һөҗүмнәреннән һәлак булган палестиналылар саны 22 меңнән артып китте. Соңгы тәүлектә генә дә 207 кеше үлгән. Бу хакта Палестинаның Сәламәтлек саклау министрлыгына сылтама белән РИА Новости яза.

Кемерово өлкәсендә яшәүче 25 яшьлек хатын-кыз аппендицитка операциядән соң комага киткән. Ул инде 2 атна комада ята. Туганнары, табиблар наркозны дөрес ясамаган, дип саный. Өйдә аны ире һәм 5 яшьлек улы көтә. Бу турыда «Комсомольская правда» яза.

Җырчы Алсу Абульханова хәзерге вакытта Дубайда ял итә. Ул язылучылары белән элемтәгә чыккан.

Бүген Алия һәм Ришат Төхвәтуллиннар улларына исем куштырган. Сабыйга әти-әнисе Алим (Галим) исемен сайлаган.

Резидә Шәрәфиева социаль челтәрдәге сәхифәсендә бит өчен өй шартларында ясый торган маска рецепты белән уртаклашкан.

Чүлдә урнашкан Дубай шәһәрен су басты. Бу – соңгы 75 елда Берләшкән Гарәп Әмирлекләрендә иң көчле явым-төшем. Анда 1 тәүлек эчендә 142 ммдан артык явым-төшем яуган. Бу – ел ярым эчендәге күрсәткечләргә туры килә. Юлларны һәм йортларны су басты.

Драматург Равил Сабыр үзенең 50 яшьлек юбилеен Әлмәт театрында «Фәхрине үтереп ташладылар» киноспектакле белән үткәрде. Әлеге репортажда юбилейның кайбер мизгелләрен яктыртырга тырышып карыйм.

Мәскәүнең «СМ-Клиника»сында пластик операция ясатканнан соң вафат булган пациент хатын моның начар төгәлләнәсен сизенгән. Бу хакта аның ире «Mash» Телеграм-каналына сөйләгән, дип яза LIFE сайты.

Оренбург өлкәсендә су басу сәбәпле, Орск шәһәр округына кергән татар авылы Тукайдан эвакуацияләнгән балаларны кире өйләренә кайтарганнар. «Балаларны 88нче мәктәпкә эвакуацияләделәр, тик бүген кире кайтардылар. Алар иртәгә мәктәпкә бара. Зурларны эвакуацияләмәделәр», – дип хәбәр итте «Интертат»ка авылның мәдәният йорты мөдире Лилия Сидалинова.

Май бәйрәмнәре һәм җәйге каникуллар якынлаша. Кайсы чит илдә ял итү арзанракка төшә, бәяләр никадәр үзгәргән һәм быел нинди яңалыклар бар – «Татар-информ» материалында.

Чувашиядә еланнар уяна башлаган. Чабаксарда яшәүче ир-ат кулын кара елан чакканнан соң хастаханәгә эләккән. Бу хакта республиканың Сәламәтлек саклау министрлыгына сылтама белән PRO город порталы яза.

«Сез дә, мин дә бик көттек бу җырны. Көзге каршына басып, бер кулга массажка, икенче кулга фен тотып, чәчегезне болгый-болгый җырлагыз бу җырны. Егетләр, сезгә әйтмим, яме», – дип яңа җырын тәкъдим иткән Зөлфирә Мирзаянова.

Казанның «Болгар» мәчете телеграм-каналында намазда укыла торган «Әттәхият» мәгънәсе турында аңлаталар.

16 апрельдә иртә белән Приморье краендагы Дальнереченск шәһәрендә 2 фатирлы шәхси йорт яна башлый. Өйдә өлкән яшьтәге хатын-кыз, 22 яшьлек кыз һәм 2 бала була. Янгында өлкәннәр – 1965 һәм 2002 елда туган 2 хатын-кыз үлә, балалар исән кала. Бу турыда «Комсомольская правда» хәбәр итте.

Татар эстрадасының популяр җырчыларының берсе, җырлар авторы Ильмира Нәгыймова «Татарстан – Яңа гасыр» телеканалында кунак булды. «Сөйләшергә вакыт» тапшыруының алып баручысы Лилия Кадыйрованың «хатын-кызлар белән дуэтларың чыга, көндәшлектән курыкмыйсыңмы» дигән соравына җавап бирде.

Орскида ике дамба җимерелеп, меңләгән йорт су астында калганнан соң, Татарстанда да мондый хәл була аламы, дигән сорау туды. Мелиоратор-белгечләр «Республика Татарстан» басмасына мондый куркынычны ничек кисәтергә кирәклеге турында сөйләде.