Новости за 05.06.2016

АСТАНА. ҚазАқпарат - 5 маусым күні Астанада ҚР Қарулы Күштерінің авиациялық базасында IV  халықаралық «KADEX-2016» қару-жарақ пен әскери-техникалық мүлік көрмесі аяқталды. Авиациялық базада ту түсірілді,  бұл «KADEX-2016» көрмесінің жабылуын білдіреді, деп хабарлады ҚР ҚМ баспасөз қызметі.

АСТАНА. ҚазАқпарат - Ақтөбе облысының әкімі Бердібек Сапарбаев өңірде қалыптасқан жағдайға байланысты мәлімдеме жасады. Аймақ басшысы халықты сақ болып, күдік туғызатын азаматтарды көргенде Ішкі істер органдарына хабарлауға шақырды, деп хабарлады 24.kz.

АСТАНА. ҚазАқпарат - Ақтөбедегі Ораза айы алдындағы теракт - шектен шыққан арсыздықтың көрінісі, деп мәлімдеді ҚР Парламенті Сенатының спикері Қасым-Жомарт Тоқаев.

АЛМАТЫ. ҚазАқпарат - Алматыда кафе өртенді, деп хабарлады қалалық ТЖД ресми өкілі Сандуғаш Баймұхамбетова.

АСТАНА. ҚазАқпарат - Бүгін Қазақстан территориясының басым бөлігінде атмосфералық фронтальды бөліктердің өтуіне байланысты кей жерлерде жаңбыр жауып, найзағай болып, желдің күшеюі сақталады. Тек республиканың оңтүстігінде, солтүстік-батысында және орталығында ауа райы жауын-шашынсыз болады.

АСТАНА. ҚазАқпарат - Бүгін Ислам әлемі үшін қасиетті, берекеге толы, он екі айдың сұлтаны саналатын Рамазан айы басталды. Биыл Рамазан айындағы ораза 29 күнге жалғасып, 5 шілде күні Ораза айтымен ұласады.

АСТАНА. ҚазАқпарат - Ақтөбеде антитеррорлық операция кезінде 4 содырдың көзі жойылып, 7-еуі қолға түсті. Оның екеуі жараланған. Бұл туралы ҚР ІІМ Мемлекеттік тіл және ақпарат департаментінің басшысы Алмас Садубаев хабарлады.

АСТАНА. ҚазАқпарат - ҚР Білім және ғылым министрлігі 6 маусым күні Ақтөбе қаласының екі жерінде өтуі тиіс болған Ұлттық бірыңғай тестілеуді 7 маусымға шегеру туралы шешім қабылдады, деп хабарлады ведомство баспасөз қызметі.

АСТАНА. ҚазАқпарат - Бүгін ҚР Қорғаныс министрі Иманғали Тасмағамбетов Елбасы - ҚР ҚК Жоғарғы Бас Қолбасшысының өкімімен «Шығыс» өңірлік қолбасшылығы әскерлерінің қолбасшысы генерал-майор Нұрлан Қашағановты таныстырды, деп хабарлайды ведомство баспасөз қызметі.

АСТАНА. ҚазАқпарат - Биыл Маңғыстау облысында 37 озат оқушы ҰБТ-дан босатылып, білім грантын ұтып алды. Олар - халықаралық олимпиадалардың жеңімпаздары мен ғылыми жобаларын қорғаған түлектер, деп жазады 24.kz.

АСТАНА. ҚазАқпарат - Бүгін елорда тұрғындары мен қонақтары Астанада өтіп жатқан «KADEX-2016» халықаралық қару-жарақ пен әскери техника көрмесін тамашалады. Мінеки, осымен төртінші күн ҚР ҚК-нің авиабазасы қорғаныс саласындағы мамандарды, ал 4 және 5 маусым күндері барлық келемін деушілерді қабылдап жатыр, деп хабарлайды ҚР ҚМ баспасөз қызметі.

АСТАНА. ҚазАқпарат - Қазақстандық былғары қолғап шебері Геннадий Головкиннің бапкері Абель Санчес қарамағындағы спортшының өз салмағынан сәл ауыр және жеңіл салмақтардағы перспективасы жайлы пікірін білдірді, деп хабарлайды Boxingscene.com-ға сілтемемен Sports.kz.

АСТАНА. ҚазАқпарат - Лаңкестердің сириялық қалаларда атыс ұйымдастыруы салдарынан 270-тен астам адам қаза тауып, тағы бірнеше жүздеген адам жарақаттанды. Бұл туралы Сирияда жауласушы тараптарды татуластыру орталығына сілтеме жасап Росбалт хабарлады.

АСТАНА. ҚазАқпарат - Ақтөбеде антитеррорлық операция режімі жарияланды. Бұл туралы ҚР ІІМ Мемлекеттік тіл және ақпарат департаментінің басшысы Алмас Садубаев хабарлады.

АСТАНА. ҚазАқпарат - Кембридж университетінің профессоры Питер Уодхэмс Арктика соңғы жүз мың жылда алғаш рет мұздан арылатын мерзімге болжам айтты. Бұл туралы ғалым The Independent басылымына хабарлады.

АСТАНА. ҚазАқпарат - Дипломын қолына алған 96 жастағы жапондық Сигэми Хирата ЖОО-ның ең кәрі түлегі атанды. Бұл туралы информинг.ру жазды.

АСТАНА. ҚазАқпарат - Ғалымдар адамдар үшін ең маңызды дәруменді атады. Зерттеу қорытындылары бойынша австралиялық мамандар адамдар үшін күн жарығы, дәлірек айтқанда ағзадағы көптеген алмасу процестеріне қатысатын D дәрумені ең маңызды екенін анықтады, деп хабарлады Информинг.ру.

АСТАНА. ҚазАқпарат - Қазақстан Кариб мемлекеттері қауымдастығының (КМҚ) жанындағы байқаушы ресми мәртебесін алды, деп хабарлайды ҚР СІМ-нің баспасөз қызметінен.

 АҚТӨБЕ. ҚазАқпарат - Қала тұрғындарына лаңкестікке қарсы операция жүргізілуіне байланысты үйден шықпауға және көшеде жүрмеуге өтініш жасалды.

АСТАНА. ҚазАқпарат - Қазақстандық қоюшы-оператор Азамат Дулатов Еуропада «La Sage Femme» (аудармасы «Акушерка») фильмінің түсріліміне қатысуда. Азамат картинаның түсіру алаңындағы арнайы қонақ.

АСТАНА. ҚазАқпарат - Үндістанда автобустың құзға құлауы салдарынан 17 адам қаза тауып, кем дегенде 35 адам зардап шекті. Бұл туралы жексенбі күні Синьхуа агенттігі хабарлады.

АСТАНА. ҚазАқпарат - 7 маусымда Dalian Sports Center стадионында Қазақстан мен Қытай құрамаларының футболдан жолдастық матчы өтеді.

АСТАНА. ҚазАқпарат - Жапонияның хайуанаттар бағында түсірілген жан түршігерлік видео желіге салынды.

АСТАНА. ҚазАқпарат - Қазақстандықтар әлеуметтік желілерде аты атақты ауыр атлет, Олимпиада ойындарының екі дүркін чемпионы Илья Ильинді белсенді қолдап жатыр.

АЛМАТЫ. ҚазАқпарат - Бүгін Алматы әкімі Бауыржан Байбек алматылық жеке инвесторлардың ақшасына салынған жаңа спорт саябағының салтанатты ашылу рәсіміне қатысты. Тұрғындарға арналып салынған жаңа кешен Сейфуллин даңғылы бойындағы   «MEGA Park» сауда ойын-сауық орталығының аумағында орналасқан.