Haradinaj: Kemi ende nevojë për shqiptarët e Amerikës

Kryeministri i Kosovës, Ramush Haradinaj ka pritur një delegacion shqiptaro-amerikan si dhe anëtarin e Këshillit Bashkiak në qytetin e Nju Jorkut, Mark Gjonaj.

Pas takimit, kryeministri Haradinaj tha se Kosova është zotuar që të forcohet lidhja mes shqiptarëve dhe miqësia e përhershme me aleatët ndërkombëtarë.

“Në një bashkëbisedë të hapur për zhvillimet në Kosovë, pozitën dhe rolin e faktorit shqiptar në gjeopolitikën ballkanike, u pajtuam se ruajtja e unitetit për të drejtën dhe të vërtetën tonë garanton avancimin e interesave tona në rajon dhe më gjerë”, deklaroi kryeministri Haradinaj.

Anëtari i Këshillit Bashkiak të New York City, Mark Gjonj, tha se raportet mes Kosovës dhe SHBA-ve mbesin të mira pavarësisht zhvillimeve aktuale, duke thënë se është koha që Kosova të veprojë si shtet i pavarur. 

Gjonaj u nderua me Medaljen e Gjergj Kastriotit-Skënderbeut nga kryeministri Haradinaj.

Kryeministri Haradinaj, muajt e fundit, është duke e kundërshtuar një kërkesë të SHBA-së për të pezulluar taksën ndaj mallrave serbe dhe të Bosnjës. Zyrtarët e lartë amerikanë kanë thënë se është e pabesueshme se si Kosova e injoron këshillën e Shteteve të Bashkuara.  

SHBA: E pabesueshme që Kosova po injoron këshillën tonë për taksën

Kryeministri Haradinaj kërkon njohjen e Kosovës nga ana e Serbisë në mënyrë që të pezullojë taksën.

Haradinaj: Sa të jem unë kryeministër, taksa nuk hiqet