Al Jazeera հեռուստաընկերությունը 500 աշխատատեղ կկրճատի
Քաթարական Al Jazeera հեռուստաընկերությունը հայտարարել է 500 աշխատատեղ կրճատելու մասին:
Ընկերությունը նշել է, որ իրականացվում է «աշխատուժի օպտիմալացման գործընթաց», որի նպատակն է արձագանքել «մեդիա լանդշաֆտում տեղի ունեցող շարունակական տրանֆորմացիային»: Al Jazeera-ն պատրաստվում է հիմնականում կրճատել Դոհայի կենտրոնակայանի իր աշխատակիցներին:
Քաթարական հեռուստաընկերությունը հիմնվել է 1996 թվականին և ստորաբաժանումներ ունի աշխարհի 70 երկրներում:
Տարեսկզբին Al Jazeera-ի ամերիկյան ծառայությունը հայտարարեց, որ դադարեցնում է կաբելային լրատվական ալիքի հեռարձակումը:
Որոշ մեկնաբանների կարծիքով՝ ընկերության կրճատումները կապված են վերջին շրջանում նավթի գների անկման հետ: Էներգակիրներով հարուստ Քաթարի տնտեսությունը մեծապես կախված է նավթի արդյունահանումից: