Դաշտային պարապմունքներ ռուսական ռազմաբազայում

Հայաստանում ռուսական 102-րդ ռազմակայանում՝ Ալագյազ և Կամխուդ բարձրլեռնային փորձադաշտերում սկսվել են դաշտային պարապմունքներ ռադիացիոն, քիմիական և կենսաբանական պաշտպանության ստորաբաժանումների ավելի քան 150 զինծառայողների մասնակցությամբ:

Ռուսաստանի զինված ուժերի Հարավային զինվորական օկրուգի մամուլի ծառայության փոխանցմամբ՝ մեկ ամիս տևողությամբ պարապմունքներն ապահովելու համար ներգրավվել է երեք տասնյակից ավելի միավոր հատուկ ռազմական տեխնիկա:

Վարժանքների հիմնական նպատակն է զինծառայողներին սովորեցնել համաձայնեցված կատարել հատուկ առաջադրանքները շրջապատի ռադիացիոն, քիմիական և կենսաբանական վարակվածության պայմաններում: