Մերձմոսկովյան ջրամբարի մոտ տեղի ունեցած ավիավթարի զոհերի մեջ հայեր կան
Շաբաթ օրը Մոսկվայից ոչ հեռու` Իստրայի ջրամբարի մոտ տեղի ունեցած ավիավթարի զոհերից առնվազն երկուսը հայեր են: Lifenews հեռուստաընկերության տեղեկություններով նրանք են՝ Լարիսա և Պարույր Մանուկյանները: Բացի այդ, ուղղաթիռի հետ բախման արդյունքում կործանված հիդրոպլանի ուղևորների թվում երկու անչափահասներ են եղել` Էրիկ և Օֆելիա անունով: Լրատվամիջոցը չի հրապարակել նրանց ազգանունները: Մոսկվայի մարզում տեղի ունեցած ավիավթարի արդյունքում ընդհանուր առմամբ 9 մարդ է զոհվել: