Новости за 03.03.2019

Մարտի 3-ին Ղրիմում բերման է ենթարկվել ուկրաինական եկեղեցու արքեպիսկոպոս, Ղրիմի առաջնորդ հայր Կլիմենտը: «Ազատություն» Ռ/Կ-ը հաղորդում է, որ նա փաստաբանի հետ գտնվում է Սիմֆերոպոլի ոստիկանական բաժանմունքում: Ռուսաստանի կողմից բռնակցված Ղրիմի ոստիկանությունը ոչինչ չի հայտնում հոգևորականին բերման ենթարկելու պատճառների մասին: Նա բերման է ենթարկվել Սիմֆերոպոլի ավտոկայանից: Ուկրաինական ուղղափառ եկեղեցու մամուլի ծառայությունը հաղորդել է, որ հայր Կլիմենտը  պլանավորում էր մեկնել Դոնի Ռոստով՝ ներկա լինելու... Читать дальше...

Խուան Գուայդոն հայտարարել է, որ Էկվադորից վերադառնալու է Վենեսուելա ու բողոքի նոր ցույցերի կոչ արել ընդդեմ Նիկոլաս Մադուրոյի ռեժիմի: Վենեսուելայի ընդդիմության առաջնորդը՝ իրեն ժամանակավոր նախագահ հռչակած Գուաիդոն, շաբաթվա ընթացքում այցելել է Կոլումբիա, Բրազիլիա, Արգենտինա, Պարագվայ, Էկվադոր՝ փորձելով աջակցություն ստանալ Նիկոլաս  Մադուրոյի իշխանությունը տապալելու և անցումային կառավարություն ձևավորելու համար: Էկվադորում երեկ նա ասել է, թե վերադառնում է Վենեսուելա, սակայն կոնկրետ ամսաթիվ չի նշել: Այսօր նախատեսված է նրա ասուլիսը... Читать дальше...

Մարտի 3-ին Էստոնիայում խորհրդարանական ընտրություններ են անցկացվում: Ընտրություններին մասնակցում են 10 կուսակցություններ: Սոցիոլոգների գնահատմամբ առաջտար են համարվում երեք կուսակցություն, բայց ոչ մեկին չի հաջողվի խորհրդարանում մեծամասնություն կազմել: Կանխատեսվում է, որ 101 տեղանոց խորհրդարան կանցնեն վեց կուսակցություններ: Ընտրողների 40 տոկոսը նախորոք է քվեարկել, այդ թվում՝ ինտերնետով: 2005 թվականից Էստոնիայում թույլատրվում է էլկեկտրոնային քվեարկությունը:

Աֆղանստանի հարավում տեղի ունեցած ջրհեղեղի հետևանքով  շուրջ երկու տասնյակ մարդ է զոհվել՝ այդ թվում երեխաներ: ՄԱԿ-ի հումանիտար օգնության պաշտոնյաները հայտնում են, որ ևս տասը մարդ անհետ կորած են համարվում: Հորդառատ անձրևներից առաջացած  ջրհեղեղի հետևանքով Կանդահար քաղաքում ավելի քան 2000 տուն է վնասվել:

Հունաստանի իրավապահները Ուկրաինայի պահանջով ձերբակալել են Ռուսաստանի քաղաքացի Եվգենի Կալինին: Նախկինում նա զբաղեցել է Ուկրաինայի նախկին նախագահ Վիկտոր Յանուկովիչին մոտ կանգնած գործարար Սերգեյ Կուրչենկոյի ВЕТЭК կորպորացիայի գործադիր տնօրենի պաշտոնը: Նրա փաստաբանը «Ռիա Նովոստի» գործակալությանը հայտնել է, որ Եվգենի Կալինինը Աթենքի օդանավակայանում ձերբակալվել է փետրվարի 28-ին: Դատարանի որոշմամբ նա կալանքի տակ է պահվում, մինչև արտահանձնման հարցի քննությունը: Փաստաբանի կարծիքով գործը քաղաքական է՝ իր պաշտպանյալը հետապնդվում է... Читать дальше...

Հայ Առաքելական եկեղեցին այսօր տոնում է Բուն Բարեկենդանը։ Արարատյան Հայրապետական թեմի հրապարակած պարզաբանման համաձայն, սովորաբար Բարեկենդան է կոչվում շաբաթապահքերի և Մեծ պահքի նախընթաց օրը: Բարեկենդանին թույլատրվում են չափավոր վայելքներ, խրախճանքներ, խաղեր եւ ուտեստներ` ի հետևություն Եղիային ուղղված հրեշտակի խոսքի. «Ելիր, կեր, որովհետև երկար ճանապարհ ես գնալու» (Թագ. 19:7): Բարեկենդան բառացի նշանակում է կենդանություն, բարի կյանք: Մեծ պահքի բարեկենդանը կոչվում է Բուն Բարեկենդան, քանի որ նախորդում է ամենաերկար պահքին... Читать дальше...

Վարչապետ Նիկոլ Փաշինյանը շնորհավորական ուղերձ է հղել Արթուր Մեսչյանի 70-ամյա հոբելյանի առթիվ: ՀՀ կառավարության տեղեկատվության և հասարակայնության հետ կապերի վարչության տարածած հաղորդագրության համաձայն, ուղերձում, մասնավորապես, ասված է. ֊ «Ձեր ճարտարապետական և երաժշտական հեղինակային ստեղծագործություններն իրենց ինքնատիպությամբ, ուրույն ձեռագրով, համամարդկային արժեքներին հավատարմությամբ և խորությամբ իրենց մեծ հետքն են թողել հայ ժողովրդի մշակութային ժառանգության վրա։ Որպես մտավորական ևս Ձեր խոսքը... Читать дальше...