Новости за 06.12.2015

«Ժառանգություն» կուսակցության փոխնախագահ Արմեն Մարտիրոսյանը քիչ առաջ հայտարարեց, որ 5/1 ընտրատեղամասում Հանրապետական կուսակցության ներկայացուցիչները ծեծի են ենթարկել «Ժառանգություն» կուսակցության վարչության անդամ Հրայր Մանուկյանին՝ խախտումները բացահայտելու համար, նրա ձեռքից վերցրել են հեռախոսը և մեկուսացրել: «Ոստիկանության ներկայացուցիչներ, պահանջում եմ 5/1 տեղամասում ազատել «Ժառանգության» վարչության անդամին և մեղավորներին պատժի ենթարկել», - ասաց Մարտիրոսյանը:

Կենտրոնական ընտրական հանձնաժողովը նախնական տվյալներ է ներկայացնում թվով 75 ընտրատեղամասերից։ Ըստ այդ տվյալների՝ 75 ընտրատեղամասերում «այո»-ի օգտին է քվեարկել 18 006 հոգի կամ 76.94 տոկոսը, «ոչ»-ի օգտին՝ 4797 ընտրող կամ 20.50 տոկոսը։

Հանրապետական պատգամավոր, ԱԺ պետաիրավական հարցերով հանձնաժողովի նախագահ Հովհաննես Սահակյանը «Ազատության» ուղիղ եթերում, արձագանքելով մեր այն տեսանյութին, որում Շենգավիթի ընտրատեղամասերի մոտ քաղաքացիներին գումար էին բաժանում, ասաց, որ իրենց «արջի ծառայություն մատուցողներ պետք չեն»: «Ես ասեմ՝ ընտրակաշառքը այն ընտրախախտումներից է, որը դժվար ապացուցելի է, բայց այս փաստերը արդեն իսկ հիմք են, որ իրավական պրոցես սկսվի, և իրավապահները կպարզեն՝ ինչ է տեղի ունեցել», - ասաց Հովհաննես Սահակյանը: Նա ընդգծեց... Читать дальше...

ՀՀ ոստիկանությունը հայտարարում է, որ Երևան քաղաքի Ազատության հրապարակում այսօր երեկոյան տեղի ունեցած հավաքը դարձյալ ընթացել է օրենքի խախտումներով: Ըստ ոստիկանության հաղորդագրության, հավաքի կազմակերպիչներն իրենց կողմից ներկայացված և ի գիտություն ընդունված երթուղուց շեղվելով, շարժվել են դեպի երթի իրազեկմամբ չնախատեսված՝ Կենտրոնական ընտրական հանձնաժողովի շենքի մոտ: Նշված վայրում երթի կազմակերպիչները ՀՀ ոստիկանությունից պահանջել են իրենց թույլատրել մոտենալ Կենտրոնական ընտրական հանձնաժողովին շենքին... Читать дальше...

Radical opposition groups campaigning for “regime change” in Armenia rallied hundreds of supporters and demanded President Serzh Sarkisian’s resignation on Sunday evening shortly after the polls closed in a constitutional referendum denounced by them as fraudulent.

«Ոչ թալանին» նախաձեռնության անդամ Սոֆիա Հովսեփյանը ահազանգել էր, որ նախաձեռնության անդամներ Արտուշ Չիբուխչյանը, Արամ Մանուկյանը, Վահե Բաղդասարյանը, Մաքսիմ Սարգսյանը, Տիգրան Մազմանյան, Արսեն Չաչոյանը, Միքայել Նազարյանը և Կարո Ղուկասյանը Ազատության հրապարակից բերման են ենթարկվել: Ոստիկանության հասարակայնության հետ կապերի բաժնի պետ Արմեն Մալխասյանը «Ազատությանը» տեղեկացրեց, որ բերման են ենթարկել 9 հոգու՝ ոստիկանի օրինական պահանջը չկատարելու համար, կազմվում են վարչական արձանագրություններ:

Ժամը 22-ի դրությամբ ստացվել է 234 ահազանգ՝ 218-ը լրատվամիջոցների հրապարակումների, 16-ը՝ ոստիկանության թեժ գծով, Կենտրոնական ընտրական հանձնաժողովում կայացած ճեպազրույցի ընթացքում հայտարարեց Ոստիկանության պետի աշխատակազմի ղեկավար Մերուժան Հակոբյանը: Ահազանգերը մեծամասամբ վերաբերել են այլ անձի փոխարեն քվեարկելու, քվեարկության ուղղորդման, նաև՝ տեղամասերում կուտակումների դեպքերին, լրագրողի ու դիտորդի գործունեությունը խոչընդոտելուն, լցոնումների, վստահված անձանց սպառնալու, կրկնակի քվեարկության, ընտրակաշառքի փորձերին... Читать дальше...

«Ժառանգություն» կուսակցության առաջնորդ Րաֆֆի Հովհաննիսյանը «Ազատության» հետ զրույցում «պետական դավաճանություն» որակեց ընտրակեղծիքները, որոնք, նրա պնդմամբ, սահմանադրական փոփոխությունների հանրաքվեի ժամանակ կատարվել են իշխանությունների կողմից։ «Այո, ես կրկնում եմ, որ Սերժ Սարգսյանը, Հովիկ Աբրահամյանը, տարբեր մակարդակների շտաբի պետերը, Լիսկայից [Սյունիքի մարզպետ Սուրիկ Խաչատրյան] սկսած մինչև մյուս մարզպետները, տարբեր քաղաքապետեր, պաշտոնյաներ, որոշ օլիգարխներ՝ ոչ բոլորը, Սամվել Ալեքսանյանի օրինակով... Читать дальше...

Քիչ առաջ Կենտրոնական ընտրական հանձնաժողովը հրապարակեց էլեկտրոնային եղանակով քվեարկության արդյունքները, որոնց համաձայն՝ այո է քվեարկել 229 ընտրող, ոչ՝ 7: Էլեկտրոնային եղանակով քվեարկել են ՀՀ դիվանագիտական և հյուպատոսական ներկայացուցչություններում դիվանագիտական ծառայություն անցնող հանրաքվեին մասնակցելու իրավունք ունեցող քաղաքացիները և նրանց հետ արտերկրում բնակվող ընտանիքի՝ հանրաքվեին մասնակցելու իրավունք ունեցող անդամները:

Քննչական կոմիտեի Վայոց Ձորի մարզային քննչական վարչությունում հարուցվել է քրեական գործ՝ այլ անձի փոխարեն քվեարկելու դեպքի առթիվ։ Քննչական կոմիտեն փոխանցում է, որ այսօր՝ ժամը 13-ի սահմաններում, ահազանգ էր ստացվել, որ Վայոց Ձորի Զառիթափ գյուղի բնակիչ Վ.Ստեփանյանը Սահմանադրության բարեփոխումների հանրաքվեի ժամանակ նույն գյուղի թիվ 39/39 ընտրատեղամասում փորձել է քվեարկել իր եղբոր փոխարեն: «Վայոց ձորի մարզային քննչական վարչությունում նյութերի նախապատրաստման ընթացքում պարզվել է, որ Զառիթափ գյուղի բնակիչ... Читать дальше...

Արարատի մարզի Արարատ քաղաքի թիվ 18/2 ընտրատեղամասում քվեաթերթիկների հաշվարկի արդյունքներով՝ սահմանադրական փոփոխությունների օգտին տրվել է 290, դեմ՝ 470 ձայն։

Զեյթունի թիվ 3/20 ընտրատեղամասում այս ժամի դրությամբ ձայների հաշվարկը դեռ չի սկսվել, որովհետև ընտրատեղամասային հանձնաժողովի նախագահ Հասմիկ Խաչատրյանը վատառողջ է: Թեև նրա տեղակալը պնդում է, որ նախագահի պարտականություններն իրեն չեն փոխանցվում և առաջարկում է սպասել մինչև նախագահը լավանա, դիտորդները հայտարարում են, որ օրենքի պահանջն է հաշվարկը սկսելը:

Շիրակի մարզի թվով 29 ընտրատեղամասերից ստացված նախնական տվյալներով՝ սահմանադրական փոփոխություններին կողմ են քվեարկել 3 հազար 271, դեմ՝ 5 հազար 794 ընտրողներ, անվավեր է ճանաչվել 445 քվեաթերթիկ։

Կենտրոնական ընտրական հանձնաժողովը քվեարկության օրը ստացել է 3 գրավոր դիմում-բողոք, քիչ առաջ հայտարարեց ԿԸՀ անդամ Նունե Հովհաննիսյանը: Նրա խոսքով, դիմումներից 1-ը ընդհանուր հայտարարություն է հանրաքվեի վերաբերյալ, մյուս երկուսը ստացվել են դիտորդական առաքելության մասնակցող «Ասպարեզ» ակումբից (Asparez.am) ԶԼՄ-ների մասնագիտական գործունեությունը խոչընդոտելու վերաբերյալ: Հովհաննիսյանը նաև հայտարարեց, որ ժամը 21-ի դրությամբ 41 ընտրատարածքային հանձնաժողովներում ոչ մի գրավոր դիմում-բողոք չի արձանագրվել... Читать дальше...

Երևանի, Արարատի, Կոտայքի, Շիրակի մարզերի մի քանի ընտրատեղամասերում, որտեղ «Ազատության» թղթակիցները հետևում են քվեաթերթիկների հաշվարկին, գերակշռում է սահմանադրական փոփոխություններին դեմ քվեների թիվը։

Կենտրոնական ընտրական հանձնաժողովը հրապարակել է դեկտեմբերի 6-ին անցկացված սահմանադրական փոփոխությունների հանրաքվեի մասնակցության ցուցանիշները, որոնց համաձայն, քվեարկությանը մասնակցել է ընտրելու իրավունք ունեցողների 50.51 տոկոսը, կամ՝ 1,296,368 ընտրող: Չնայած ողջ օրվա ընթացքում հանրաքվեին ամենաակտիվը մասնակցում էին Սյունիքի մարզի ընտրողները, սակայն օրվա վերջում առաջնությունը զիջեցին Արարատի մարզի ընտրողներին: Այստեղ քվեարկությանը մասնակցել է ընտրողների 66.33 տոկոսը: Ամենապասիվը քվեարկել են Շիրակի... Читать дальше...

Երևանի 4/1 ընտրատեղամասում ոստիկանները փորձել են բաժին տանել դիտորդին՝ նշելով, որ ընտրատեղամասի հանձնաժողովի նախագահից ահազանգ են ստացել՝ դիտորդի կողմից ընտրությունների ընթացքը խոչընդոտելու մասին։ Ոստիկանությունից «Ազատության»-ն ասացին, որ դիտորդին բաժին են տեղափոխում պարզաբանումներ ստանալու համար։ «Ազատության» հարցին, թե ինչու հանձնաժողովի նախագահին նույնպես պարզաբանումների համար բաժին չեն տեղափոխում, ոստիկաններն ասացին, որ հետագայում դրանով էլ կզբաղվեն։ ոստիկանները դիտորդին հեռացրել էին ընտրատեղամասից... Читать дальше...

Ռուս դիտորդները Հայաստանում այսօր անցկացված հանրաքվեի ընթացքում ոչ մի խախտում և միջադեպ չեն արձանագրել: «Ռիա Նովոստի»-ի փոխանցմամբ՝ այդ մասին հայտնել է Ռուսաստանի կենտրոնական ընտրական հանձնաժողովի ղեկավար Վլադիմիր Չուրովը, ով դիտորդություն է իրականացրել Հայաստանում:  Չուրովը հավելել է, թե միայն որոշ կազմակերպչական բացթողումներ են նկատել, օրինակ, ընտրատեղամասերից մեկում ընտրողների ցուցակները շատ բարձր են կախված եղել:

Դեկտեմբերի 6-ին Հայաստանում սահմանադրական փոփոխությունների հանրաքվեին մասնակցել է ընտրելու իրավունք ունեցողների 50.51 տոկոսը։ Այս տվյալը հրապարակեց Կենտրոնական ընտրական հանձնաժողովը քիչ առաջ մեկնարկած ասուլիսի ժամանակ։

Գորիսի 37/9 ընտրատեղամասում «Ազատության» տեսախցիկը կրկնաքվեարկության փորձ է արձանագրել: «Օրինաց երկիր» կուսակցության ներկայացուցիչը, ով նստած էր քվեատուփի մոտ, աշխատում էր մեր տեսախցիկի համար անհասանելի պահել անձնագրերի մեջ դրվող կնիքը։ «Ազատության» պնդումներից հետո հանձնաժողովականը մոտեցած ընտրողներից մեկի անձնագիր ու քվեաթերթիկը հետ տվեց՝ շշնջալով՝ «պարզիր ինչ է կատարվում»։ «Ազատությունը» արձանագրեց, որ անձնագրի համապատասխան տեղում կնիք արդեն դրված է։ Հանձնաժողովի հանրապետական նախագահը փորձում էր կոծկել տեղի ունեցածը... Читать дальше...

Ազատության հրապարակում մեկնարկել է «Նոր Հայաստան» հանրային փրկության ճակատի հանրահավաքը։ «Մենք այսօր միասին ապրում ենք ճշմարտության հայաստանյան պահը, այս ճշմարտությունը մեզ ուղեկցելու է, մեր ողջ կյանքի ընթացքում և որևէ մեկն իրավունք չունի ճշմարտության պահը և ճանապարհը չընդունել և շեղվել դրանից։ Մենք գտնվում ենք նոր Հայաստանի կերտման նախաշեմին», - հայտարարեց «Ժանագություն» կուսակցության առաջնորդ Րաֆֆի Հովհաննիսյանը՝ հավելելով - «Հանրապետական կուսակցապետությունը պետք է միասին ճամփու դնենք, և միասին... Читать дальше...

Իշխանության ներկայացուցիչները վստահեցնում էին, թե քվեարկությունն անցել է օրենքի շրջանակներում:

Քննչական կոմիտեն տեղեկացնում է, որ հարուցվել է քրեական գործ՝ պայմանագրային զինծառայողի կողմից հետիոտնին վրաերթի ենթարկելու դեպքի առթիվ, որն անզգուշությամբ առաջացրել է մարդու մահ։ «Նախնական քննության տվյալներով՝ Հայաստանի պաշտպանության նախարարության Երևանի կայազորի ռազմական ոստիկանության պայմանագրային զինծառայող, շարքային Լ.Սաֆարյանըդեկտեմբերի 5-ին՝ ժամը 21.30-ի սահմաններում, իր վարած «BMW 520» մակնիշի ավտոմեքենայով Երևան քաղաքի Լենինգրադյան փողոցի 50-րդ հասցեի դիմաց առկա ավտոճանապարհի հատվածում վրաերթի է ենթարկել ինքնությունը չպարզված անձին... Читать дальше...

Ժամը 20-ին սահմանադրական փոփոխությունների հանրաքվեի քվեարկությունն ավարտվեց, ընտրատեղամասերը փակվեցին, րոպեներ անց կսկսվի ձայների հաշվարկը։ Շուտով Կենտրոնական ընտրական հանձնաժողովը կհրապարակի քվեարկությանը մասնակցած ընտրողների վերջնական թիվը։ Հիշեցնենք, ժամեր առաջ ԿԸՀ-ի հրապարակած տվյալներով՝ հանրաքվեին մասնակցելու իրավունք ունի 2,566,730 ընտրող: Սահմանադրության 113-րդ հոդվածի համաձայն՝ «հանրաքվեի դրված նախագիծը համարվում է ընդունված, եթե կողմ է քվեարկել քվեարկության մասնակիցների կեսից ավելին... Читать дальше...

Տավուշի մարզի Աչաջուր գյուղում ընտրատեղամասի անմիջական հարևանությամբ գտնվող գյուղապետարանի սենյակներից մեկում հավաքված էր գրեթե ողջ աշխատակազմը: