Новости за 26.07.2015

Կոռուպցիոն սկանդալների մեջ ներքաշված ՖԻՖԱ-ի նախագահ Զեպ Բլատերը կառույցի գործադիր կոմիտեում կարողացել է անցկացնել արձանագրություն, որով կոմիտեն վերահաստատել է 2018 թվականի առաջնությունը Ռուսաստանում կազմակերպելու որոշումը։ Այդ մասին Բլատերը երեկ հայտարարել է Սանկտ Պետերբուրգում Ռուսաստանի նախագահ Վլադիմիր Պուտինի հետ հանդիպման ընթացքում։ Երեկ Ռուսաստանի Հյուսիսային մայրաքաղաքում տեղի է ունեցել 2018 թվականի աշխարհի առաջնության ընտրական փուլի վիճակահանությունը: Հայաստանի հավաքականը հայտվել է E խմբում... Читать дальше...

Այսօր մեկնարկել է Իրանի արտգործնախարար Մոհամադ Ջավադ Զարիֆի քառօրյա տարածաշրջանային ուղևորությունը։ Նա ժամանել է Քուվեյթ, որտեղից կմեկնի Քաթար և Իրաք։ Զարիֆը մտադիր է Պարսից ծոցի երկրների ղեկավարներին ներկայացնել վերջերս Վիեննայում Իրանի և միջազգային վեց տերությունների միջև կնքված միջուկային համաձայնագիրը և փարատել նրանց մտավախությունները։ Վերադառնալով Թեհրան, Զարիֆը պետք է ընդունի Եվրամիության արտաքին քաղաքականության պատասխանատու Ֆեդերիկա Մոգերինիին, ապա նաև իր ֆրանսիացի պաշտոնակից Լորան Ֆաբիուսին։

Ղրղըզստանի նախագահ Ալմազբեկ Ատամբաևը ստորագրել է այս տարվա հոկտեմբերի 4-ին երկրում խորհրդարանական ընտրություններ անցկացնելու մասին հրամանագիրը, որում ընդգծված է, որ Կենտրոնական ընտրական հանձնաժողովը պարտավոր է կազմակերպել ազատ, արդար և թափանցիկ ընտրություններ։ Բացի այդ, հրամանագրում նշվում է, որ գործադիր իշխանությունը և իրավապահները պետք է ընտրությունների ընթացքում երաշխավորեն հասարակական կարգն ու ազգային անվտանգությունը։ Ղրղըզստանում 2005 և 2010 թվականներին տեղի ունեցած նախագահական ընտրություններն... Читать дальше...

Պակիստանում հորդառատ անձրևներին հաջորդած հեղեղումները Խայբերի նահանգում ավերել են բազմաթիվ տներ, զոհվել է ավելի քան 40 մարդ, ոչնչացվել է բերքը, շարքից դուրս են եկել ճանապարհներն ու կամուրջները։ Երկրի ամենաթշվառ նահանգում` Բելուջիստանում, առնվազն 12 մարդ է զոհվել։ Հորդառատ անձրևներն ու հեղեղումները բնորոշ են մուսսոնների ժամանակաշրջանում, որն ամեն տարի սկսվում է հունիսին և ավարտվում է սեպտեմբերին։

Սիրիայի նախագահ Բաշար ալ-Ասադը խոստովանել է, որ բանակը երկրի որոշ շրջաններում զիջել է դիրքերը «Իսլամական պետություն» շարժման ջոկատներին, քանի որ առաջացել է մարդուժի կարիք։ Այնուամենայնիվ Ասադը պնդել է, որ բանակը կարող է պաշտպանել երկիրը և անպայման կհաղթի ընթացող պատերազմում։ «Մենք մարդուժի կարիք ունենք, բայց այսօր խոսք չկա բանակի կաթվածի մասին»,- իր հեռուստաելույթում վստահեցրել է Սիրիայի ղեկավարը։ Մարդուժի պակասի հետևանքով Դամասկոսը պետության կողմից հսկվող շրջաններում ստիպված հույսը դրել է... Читать дальше...

Սպիտակ տունը ողջունել է «Իսլամական պետություն» զինված շարժման դեմ մարտական գործողություններ վարելու Թուրքիայի վճռականությունը։ Այդ մասին Նայրոբիում ասել է Քենիա կատարած այցի ընթացքում ԱՄՆ-ի նախագահ Բարաք Օբամային ուղեկցող պաշտոնյան։ Նախօրեին Թուրքիայի օդուժը հարվածներ է հասցրել Սիրիայում տեղակայված «Իսլամական պետություն» շարժման հենակետերին, ինչպես նաև Իրաքի հյուսիսում գտնվող քուրդ զինյալների հենակետերին։ Անկարան այդ գործողությունների վերաբերյալ մանրամասներ չի հաղորդել։ Երեկվա գրոհներից հետո... Читать дальше...