Новости за 18.01.2024

Қаңтар оқиғасында Көктөбе телемұнарасын қорғаған ҰҚК подполковнигі полиция мен шекарашылардың атысына куә болғанын айтып, Азаттыққа сұхбат берді. Оның сөзінше, осы оқиғаларда күштік құрылымның 5 қызметкері билік мәлімдегендей террористер қолынан өлген жоқ.

ҰҚК шекара академиясында істеген подполковник Қаңтар оқиғасы кезінде күштік құрылымдар өзара атысқанын мәлімдеді. || Айкөркем Мелдеханның өліміне байланысты сот отырысы кейінге қалды. || Жоғарғы сот Қаңтарда оқ тиіп қаза тапқан қызылордалық тұрғынның анасы түсірген шағымды қараудан бас тартты.

Қаңтар оқиғасында оқ тиіп қаза тапқан 4 жасар Айкөркемнің өліміне қатысты апелляциялық сот кейінге қалды. Себебі сотталушы денсаулығына байланысты қатыспаған, ал Айкөркемнің әкесі ұшақтан кешігіп қалған.

17 қаңтарда Башқұртстанда мыңдаған халық жиылып, жергілікті билікке наразылық білдірді. Жиын соңы полициямен қақтығысқа ұласып, ондаған адам ұсталды. Бұл оқиғаға не себеп болып еді?

Еуропарламент Орталық Азия жөніндегі резолюцияны басым дауыспен қабылдады. Қарарда аймақ елдерін адам құқықтары саласындағы халықаралық міндеттемелерді орындауға және Еуропа Одағымен тығыз ынтымақтастықта болуға үндеген.

Қарағанды облысында Ленин атындағы шахтада болған қайғылы оқиғадан бір жыл екі ай өткенде сот кеншілер қазасы туралы істі тергей бастады. Марқұмдардың туыстары кінәлілер жазалансын деп отыр. Сотталушылар кінәсін мойындамады. Азаттық процестің бірінші отырысына қатысты.

Алматыдағы телемұнараны басып алмақ болған бандитерге шекарашылар қарсы тұрып, шабуылды тойтарды – Қаңтар оқиғасындағы оқиғалардың бірінің ресми түсіндірмесі осындай. Ал Шекара академиясының бұрынғы оқытушысы шындығында Көктөбеде шекарашылар мен ішкі істер министрлігі бөлімшелері арасында атыс болған, бұл қарулы күш сарбаздары төтенше жағдай кезінде қалай әрекет ету керегін білмегенін көрсетті дейді. Ол келтірген айғақ академияда болған өлімге қатысты тағы бір оқиғаның ресми нұсқасын жоққа шығарып отыр.