Пара талап кылган деп шек саналган милиционер кармалды
Бишкектин Ленин райондук ички иштер бөлүмүнүн кызматкери К. Н. Э 20 миң сом пара талап кылган деген шек менен кармалды. Бул тууралуу Бишкек шаардык ички иштер башкармалыгынын басма сөз кызматы кабарлады. Маалыматта кабарлангандай, ал Экономикалык кылмыштарга каршы күрөш боюнча мамлекеттик кызмат (Финансы полициясы) менен ИИМдин ички иликтөө кызматынын кызматкерлери тарабынан 14-январда кармалды. (ZKo)