Новости за 12.05.2021

Борбордук шайлоо комиссиясы Бишкек жана Ош шаарларындагы шайлоону жокко чыгарды.

Босниялык сербдердин мурдагы лидери, Гаагадагы Эл аралык кылмыш сотунун өкүмү менен өмүр бою эркинен ажыратылган Радован Каражич абактагы калган мөөнөтүн Британияда өтөйт. Британиянын тышкы иштер министри Доминик Рааб Каражичти өз өлкөсүндөгү түрмөгө которууга макул болгонун билдирип, “геноцид үчүн айыптуу деп табылган аз адамдын бири”-деп атады. Британ Тышкы иштер министрлигинин сайтындагы маалыматта “ал Сребреницадагы геноцид учурунда балдар, аялдар баштаган адамдарды массалык өлтүрүү үчүн жана... Читать дальше...

Газа тилкесиндеги палестиналыктар менен израил аскерлеринин ортосундагы жаңжал күчөп жатканына байланыштуу эл аралык коомчулук тынчсыздануусун бидирди. Бириккен Улуттар Уюмунун Жакынкы Чыгыштагы тынчтык орнотуу боюнча чабарманы Тор Веннесланд «биз кеңири масштабдагы согушка жакындадык»,-деп билдирсе, Улуттар уюмунун баш катчысы Антониу Гутерриш «тынчтыкты калыбына келтирүү үчүн эки эсе көбөйтүүгө» чакырды. Израилдин бийлиги соңку 38 саат ичинде Газадагы палестиналык согушкерлер 100дөн ашык ракета атканын кабарлады. Читать дальше...

Бишкек аймактык шайлоо комиссиясы шаардык кеңешке болгон шайлоонун жыйынтыгын жокко чыгарды. Мындай чечим аймактык шайлоо комиссиясынын 12-майдагы жыйынында кабыл алынды. Буга шайлоого катышкан Кыргызстан элдик демократиялык партиясы (КЭДП), “Эмгек” жана “Ак Бата” партиялары шайлоодон четтетилип, алар топтогон добуштар жараксыз деп табылганы негиз болду. Бишкек аймактык шайлоо комиссиясы баш-аягы 30 шайлоо тилкесиндеги добуш берүүнүн жыйынтыгын жокко чыгарды. Жокко чыгарылган добуштардын саны 60 миңден ашып... Читать дальше...

Мамлекеттик комиссия Centerra Gold компаниясынан дээрлик 5 миллиард доллар алууну көздөп атат. Бул "Кумтөр" кенинен экологияга келтирилген зыян, түшпөй калган салыктардын кенемтеси катары түшүндүрүлүүдө. Ош шаардык кеңешине болгон шайлоонун жыйынтыктары жокко чыгарылгандан кийин "Ата-Журт Кыргызстан" партиясы сотко арызданууну көздөп жатат. Партиянын артында УКМК төрагасы Камчыбек Ташиевдин турганы айтылып келет. Газа тилкесинде израилдиктер менен палестиналыктардын куралдуу жаңжалы курчуду. Эки тараптан ондогон адамдар каза болуп... Читать дальше...

Кумтөр кениндеги ишмердүүлүктү иликтеп жаткан мамлекеттик комиссия «Кумтөр Голд» ишканасы 4 миллиард 952,8 миллион доллар (459 миллиард 558 миллион сом) төлөөгө милдеттүү экенин алдын ала билдирди. Өткон аптада Жогорку Кеңеш канадалык компания иштеткен кенге Министрлер кабинети сырттан башкаруу киргизе ала турган мыйзам долбоорун кабыл алды. Ага удаа эле Бишкектин Октябрь райондук соту “Кумтөр голд” компаниясын 261 млрд. 719 млн. 674 миң сомду (3 миллиардан ашык долларды) мамлекетке төлөп берүүгө милдеттендирген. Читать дальше...

АКШ Кыргызстан жана Тажикстанга чек ара чатагын жөнгө салып, үй-жайын таштап качкан элди кайра кайтарууга жардам көрсөтүүгө даяр. Бул тууралуу  Кошмо Штаттардын мамлекеттик катчысынын Түштүк жана Борбор Азия өлкөлөрү боюнча жардамчысы Жонатан Хеник Анлантика кеңеши уюштурган интернет талкууда билдирди. Ал кыргыз-тажик чек арасындагы окуялардан соң эки өлкөнүн өкмөттөрү диалогго даяр экени үмүт берерин кошумчалады. "Азырынча бул чатак жөнгө салынды деп жыйынтык чыгарганга болбойт. Жөнгө салына элек. Читать дальше...

Бишкек аймактык шайлоо комиссиясы 12-майдагы жыйынында шайлоо мыйзамдарын бузгандыгы үчүн "Ак Бата" саясий партиясын  шаардык кеңештин шайлоосунан алып салды. Маалыматка ылайык, жалпысынан партиянын үстүнөн 11 арыз жана мыйзам бузуулар жөнүндө 17 маалымат түшкөн. "Ак Бата" партиясын шайлоодон четтетүүнү жана ага берилген добуштарды жараксыз деп табууну аймактык шайлоо комиссиясынын 10 мүчөсү колдоду. Бишкек аймактык шайлоо комиссиясы мунун алдында эле "Эмгек" партиясын  шаардык кеңештин шайлоосунан четтеткен. Читать дальше...

Бишкек аймактык шайлоо комиссиясы 12-майдагы жыйынында "Эмгек" партиясын Бишкек шаардык кеңешине шайлоодон алып салды. Буга шайлоого көз салган байкоочулардын арызы негиз болду. Буга чейин Бишкек шаардык кеңешине шайлоого катышкан «Ак Бата» партиясы да «Эмгек» партиясын «үй комитеттерин, квартал башчыларын сатып алган» деп айыптап, кайра шайлоо өткөрүүнү сунуштаган. Андан тышкары «Реформа», «Ыйман Нуру», «Социал-демократтар», «Республика» партиялары «Эмгек» жана «Ак-Бата» партияларын добуш сатып алуу... Читать дальше...

Тажик бийлиги 11-майда өлкөнүн айрым аймактарындагы селден кеминде тогуз адам каза болуп, 15 район жабыркаганын кабарлады. Шаршембиде Өзгөчө кырдаалдар министрлиги нөшөрлөгөн жамгыр негизинен Хатлон жана Куляб облустарынын аймактарын жууп кеткенин билдирди.

Ооганстанда талибдер Кабулга жакын жайгашкан стратегиялык Нарх районун басып алышты. Бул Орозо айтка байланыштуу ооган өкмөтү менен "Талибан" ок атууну токтотуу боюнча макулдашуу күчүнө кирер алдында болду. Ооганстандын Ички иштер министрлиги “Коопсуздук күчтөрү Нарх районунан тактикалык чегинүү жасады”,-деп кабарлады. Расмий бийлик аймакты талибдерден бошотуу үчүн контрчабуул жасаларын билдирүүдө. “Талибандын” расмий өкүлү Забихулла Муджахид талибдер бул районду шейшембиде ээлегенин билдирди. Читать дальше...

Кумтөр алтын кениндеги ишмердүүлүктү иликтеген мамлекеттик комиссия “Кумтөр Голд Компаниге” 4,2 миллиард доллар доо коюп жатканы белгилүү болду. Кенди иштеткен канадалык “Центерра Голд” компаниясы Кыргызстандагы соңку чечимдерге байланыштуу эл аралык сотко кайрылышы мүмкүндүгүн эскертти. Миллиарддык доо Кыргызстандагы эң ири алтын кенине байланыштуу түзүлгөн мамлекеттик комиссия 12-майдагы жыйынында «Кумтөр Голд Компани» Кыргызстанга төлөп бериши зарыл деген төлөмдөрдүн жалпы суммасын жарыялады. Читать дальше...

Уланбек Асанов Саламаттык сактоо жана социалдык өнүктүрүү министрлигине караштуу Социалдык фонддун төрагасы кызматынан бошотулду. Тиешелүү чечимге министрлер кабинетинин төрагасы Улукбек Марипов 12-майда кол койду. Расмий маалыматка ылайык, министрлер кабинетинин төрагасынын башка чечими менен Жаныбек Орозалиев Социалдык фонддун төрагасы болуп дайындалды.

Бишкек шаарындагы Жибек-Жолу проспектиси менен Ибраимов көчөсүнүн кесилишиндеги үйлөрдүн биринде киши колдуу болгон эки аялдын сөөгү табылды. Бишкек шаардык ички иштер башкармалыгынын басма сөз кызматынын маалыматы боюнча, шаардык милицияга окуя тууралуу маалымат 12-май күнү саат 11:25те түшкөн. Сөз болуп жаткан дарекке Свердлов районунун ички иштер бөлүмүнүн ыкчам тобу, Бишкек шаардык милициясынын, Ички иштер министрлигинин Криминалдык милиция кызматкерлери барган. Анда барак тибиндеги жеке... Читать дальше...

Индияда коронавирустан көз жумгандардын жалпы саны 250 миңден ашты. Ал арада өлкөдөгү карапайым эл уйдун жампасын "инфекцияны жеңет" деген ишеним менен сүйкөнүп жатышат. Дарыгерлер мындай ыкма тескерисинче зыян экенин эскертишти.

Кумтөр алтын кениндеги ишмердүүлүктү териштирип жаткан мамлекеттик комиссия “Центерра” компаниясынын 2011-жылы Кыргызстанга бөлгөн демөөрчүлүк акчасын президенттик шайлоого пайдалануу ыктымалдыгын изилдеп жатат. Бул тууралуу 12-майда “Азаттык” радиосуна комиссиянын төрагасы, Жогорку Кеңештин депутаты Акылбек Жапаров билдирди. Анын айтымында, тийиштүү документтерге ошол кезде премьер-министр болуп турган, кийин шайлоодо президент болуп шайланган Алмазбек Атамбаев кол койгон: “Сентябрда шайлоо... Читать дальше...

Ош облусунун Өзгөн районунда кой кайтарып жүргөн сегиз жаштагы баланы сел агызып кетип каза болду. Бул тууралуу 12-майда Өзгөчө кырдаалдар министрлигинен кабарлашты. Кырсык 11-майда саат 13:20 чамасында болгон. Ак-Жар айыл аймагынын Большевик айылында жаандын кесепетинен тоодо сел жүрүп, мал кайтарып жүргөн бала агып кеткен. Аны туугандары таап алып ооруканага алып барганда чарчап калган.  Кара-Кулжа районундагы 8-10-11-майдагы жаандын кесепетинен улам сел жүрүп, райондогу 200гө жакын үйгө суу кирген. Читать дальше...

Орусияда Екатеринбургдун мурдагы мэри Евгений Ройзман оппозициячыл саясатчы Алексей Навальныйды колдогон билдирүүлөрү үчүн тогуз суткага камалды. Екатеринбургдун соту Ройзман ушул жылдын 31-январында оппозициячыл саясатчы Алексей Навальныйды колдоо акцияларына чакырык жасаган деп тапты. Полициянын версиясына ылайык,  саясатчы "Твиттердеги" билдирүүлөрү аркылуу уруксатсыз акцияга адамдарды катышууга үндөгөн. Ройзман полиция таккан күнөөнү четке кагып, эмнеге айыпталып жатканын өзү да түшүнбөй жатканын билдирди. Читать дальше...

Жалал-Абад облусуна караштуу Аксы районунда былтыр октябрда бир адамдын өмүрү кыйылган, алты адам жараат алган тоз-тополоңдун чуусу басыла элек. 41 жаштагы Уланбек Жаманкуловдун өлүмүнө байланыштуу үч адамга айып коюлган жана сот жараяны эки ай мурда башталган. Калайман тополоңдон улам дагы бир кылмыш ишин Улуттук коопсуздук комитети тергеп жатат. Былтыр парламенттик шайлоодон кийин Бишкекте калайман каршылык күчөп, бийлик күч менен алмашканда Аксы районунда дагы жүздөгөн адам акимди кызматтан кетирүү талабы менен чогулган. Читать дальше...

Дүйнөлүк банк Кыргызстандагы коронавируска каршы күрөшкө каралашып, 20 миллион доллар берет. Бул тууралуу саламаттык сактоо жана социалдык өнүктүрүү министри Алымкадыр Бейшеналиев бүгүн 12-майда Биринчи радиого курган маегинде билдирди. Министрдин айтымында, бөлүнгөн каражатка Кыргызстан кытай вакцинасын сатып алат. “Дүйнөлүк саламаттык сактоо уюму (ДССУ) расмий каттаган вакциналарды сатып алышыбыз керек. Орусиянын "Спутник V" вакцинасын ДССУ каттай элек. Ошондуктан биз Кытайдын "SinoPharm" вакцинасын сатып алабыз”, - деди министр. Читать дальше...

Ирандын мурдагы президенти Махмуд Ахмадинежад 18-июнда өтчү президенттик шайлоого катышуу үчүн арыз берди. Өлкөнүн мамлекеттик телеканалы ал 12-майда  тарапкерлеринин коштоосунда Ички иштер министрлигине барып, керектүү документтерди тапшырганын көрсөттү. 64 жаштагы саясатчы ультраконсерватор саясатчы саналат. Ал соңку мезгилде учурдагы президент Хасан Роуханинин саясатын сындап келген. Ахмадинежад Иранды 2005-2013-жылдары башкарган. Ал учурда расмий Тегерандын өзөктүк программасы боюнча Батыш өлкөлөрү менен мамилеси өтө начарлаган. Читать дальше...

“Кумтөр Голд” компаниясынын ишин иликтеп жаткан мамлекеттик комиссия ишкана боюнча маселени чечүүнүн үч жолун сунуштоодо. Бул тууралуу 12-майда комиссиянын отурумунда анын төрагасы, Жогорку Кеңештин депутаты Акылбек Жапаров билдирди. Жапаровдун айтымында, юристтер эл аралык арбитражга даярдана берүүнү сунуш кылууда: “Эл аралык сотко биз даярданып жатабыз. Биринчи Кыргызстандын соттору, юристтер менен бүт далилдердин баарын алып, эгер алар эл аралык сотко барса, балким, биз алардан биринчи сотко беришибиз керек. Читать дальше...

Индияда коронавирустан көз жумгандардын жалпы саны 250 миңден ашты. Расмий статистикага караганда, соңку бир суткада 4200дөй адам өмүрү менен кош айтышкан. Адистер бул сандар мындан дагы көп болушу мүмкүн деп кооптонушат. Кырдаал өзгөчө айыл жергесинде оор. Дүйнөлүк саламаттык сактоо уюму дүйшөмбүдө билдиргендей, Индияда жайылып жаткан вирустун жаңы штаммы тынчсыздануу жаратууда. Уюмдун өкүлү Мария Д. Ван Керкхове шейшембидеги маалымат жыйында коронавирустун Индияда пайда болгон түрү мурда күтүлгөндөн... Читать дальше...

Мигрант жаштар Ноокат районунун Мирмахмудов айыл аймагына караштуу Арал айылына спорт зал куруп беришти. Мамлекеттик стандартка жооп берген имаратты салууга 2,5 миллион сом сарпталган.

Азия өнүктүрүү банкынын соңку баяндамасында чек аралар ачылып, камсыздоо тармактары калыбына келген сайын, Кыргызстандын экономикасы 2021-жылы акырындык менен калыбына келип, 2022-жылы тездери айтылган. Божомолго ылайык, Кыргызстанда ички дүң өнүм (ИДӨ) 2021-жылы 3,5 пайызга,  2022-жылы 5 пайызга өсөт. Алтындын экспорту жакынкы эки жылда 5% чейин көбөйөт. Айрым инфраструктуралык долбоорлор кайра жандана баштагандыктан, импорт болжол менен 10% га жогорулашы мүмкүн. Аталган банктын Кыргызстандагы өкүлү Канокпан Лао-Арайанын айтымында... Читать дальше...