Ermenistan Azerbaýjan bilen gelnen ylalaşygyň saklanýana meňzeýändigini aýdýar
Ermenistanyň Goranmak ministrligi 16-njy sentýabrda Azerbaýjan bilen baglaşylan ýaraşygyň düzgünleriniň berjaý edilýäne meňzeýändigini, kawkazly goňşularyň bölüniji sebit Dagly-Garabag üstünde barýan onlarça ýyllyk dawasy bilen bagly dörän ganly çaknyşykdan soň serhetdäki "ýagdaýyň üýtgemändigini" aýtdy.
"16-njy sentýabrda sagat 9-a çenli (Pragada 0700) Ermenistan-Azerbaýjan serhedindäki ýagdaý üýtgemedi” diýip, Ministrligiň metbugat sekretary Aram Torosian aýtdy.
13-nji sentýabrda ýüze çykan çaknyşyk, iki tarapyň 2020-nji ýylda urşan urşundan bäri iň erbet ýagdaý bolup, "halkara derejede gatnaşylmagy netijesinde" 15-nji sentýabr agşamy tamamlandy diýip, Ermenistanyň Howpsuzlyk geňeşi Russiýanyň biraz öň eden we başa barmadyk ýaraşyk araçylygy teklibinden soň aýtdy.
Azerbaýjan Ermenistanyň Howpsuzlyk geňeşi tarapyndan yglan edilen ýaraşygy resmi taýdan tassyklamady.
Azerbaýjanyň Goranmak ministrligi 15-nji sentýabrda şu hepde Ermenistan bilen serhetde bolan çaknyşykda jemi 71 harby gullukçynyň ölendigini aýtdy. Ozal Azerbaýjan bu çaknyşykda 50 esgerini ýetirendigini aýdypdy.