Maryda häkimiýetler serhoş ‘awlap’, Bitaraplyga taýýarlanýar
Mary welaýatynda polisiýa reýd geçirip, serhoş adamlary tutup başlady. Häkimiýetler bu çäreler bilen Bitaraplyk baýramynyň öňýany welaýatda asudalygy saklaýandyklaryny aýdýarlar. Olar serhoş ýagdaýda tutulan işe ýarawsyz adamlary 30 gün möhlet bilen Baýramalydaky rehabilitasiýa merkezine ugradýar. Işe ýaraýan ýöne hossarlary tarapyndan idelmeýän adamlara şugundyr ýygdyrýar. Soň olara kelem gaýnadyp berýärler. Bularyň jikme-jikligi barada Azatlyk Radiosynyň habarçysy habar berýär.