Özbegistanda COVID-19 näsaglarynyň sany 1469-a ýetdi, 83 ýaşyndaky näsag gutuldy
![Özbegistanda COVID-19 näsaglarynyň sany 1469-a ýetdi, 83 ýaşyndaky näsag gutuldy](https://gdb.rferl.org/41676082-BCB4-496E-86C4-3536675A801D_cx0_cy14_cw0_w800_h450.jpg)
Özbegistanda 18-nji aprelde agşam sagat 19:00—a çenli koronawirus ýokaşandygy hasaba alnanlaryň sany 19 adam köpelip, jemi 1469 boldy diýip, Saglyk ministrligi habar berdi.
Häzire çenli COVID-19-dan 194 adamyň gutulandygy, dört adamyň bolsa ölendigi belli.
Saglyk ministrligi Kaşkaderýa oblastynyň Çirakçin etrabyndan agyr ýagdaýdaky 83 ýaşly näsagyň we Nukusdan 6 ýaşly gyzyň bu dertden gutulandygyny habar berdi.
Dünýäde 2,2 milliondan gowrak COVID-19 näsagy hasaba alyndy, olaryň 154 müňden gowragy ýogaldy.
ABŞ-da wirus ýokaşanlaryň sany 700 müňden geçýär, Ispaniýada - 190 müň, Italiýada -172 müň, Fransiýada- 149 müň, Germaniýada 141 müň adama koronawirus ýokaşdy.